+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Алексей Цой тамыз-қыркүйек айларындағы коронавирус жағдайына болжам жасады

2021 жылғы 3 тамыз 10:43
Бөлісіңіз:
Алексей Цой тамыз-қыркүйек айларындағы коронавирус жағдайына болжам жасады

НҰР-СҰЛТАН. ҚазАқпарат – ҚР Денсаулық сақтау министрі Алексей Цой алдағы екі айдағы КВИ сырқаттану көрсеткішіне болжам жасады, деп хабарлайды ҚазАқпарат тілшісі.

Ұқсас жаңалықтар
Батыс Қазақстанда соңғы аптада коронавирус жұқтыру көрсеткіші 7,3 пайызға төмендеді Қасым-Жомарт Тоқаевтың COVID-19 пандемиясына қарсы күреске арналған Жаһандық саммитте сөйлеген сөзі Павлодар облысында вакциналау деңгейі қандай

«Дүниежүзілік денсаулық сақтау ұйымының мәліметі бойынша, соңғы төрт аптада ДДСҰ-ның алты аймағының бесеуінде инфекция 80%-ға немесе екі есе артқан. Бұл өсудің басым бөлігі қазіргі уақытта 132 елде табылған аса жұқпалы дельта нұсқасынан туындайды. Дельта штамының алғаш рет елордада анықталғанын және сырқаттанудың күрт өсуіне әкелгенін ескере отырып, Нұр-Сұлтан қаласындағы сырқаттану динамикасын зерттедік және соңғы екі аптада ауру көрсеткіші бір деңгейден аспағанын байқадық», - деді министр Үкіметтің бүгінгі отырысында.

Оның сөзіне сенсек, соңғы аптада жедел жәрдем шақыру көлемі 11% азайған.

«Тамыз-қыркүйек айларындағы эпидемиологиялық жағдайға болжам негізінде біз оптимистік сценарий бойынша жүреміз, онда 2021 жылдың тамыз-қыркүйек айларында тіркелетін жағдайлардың болжамды саны - шамамен 250 мың адам (орта есеппен тәулігіне 7 мыңға жуық жағдай). Оптимистік сценарийді одан әрі ұзарту карантин шараларын сақтап, тиісті тұрғындарды вакцинамен қамтуды арттыру кезінде ғана мүмкін болады», - деп толықтырды министр.

Айта кетейік, эпидемиологиялық ахуалды бағалау матрицасына сәйкес, Қазақстан Республикасы 26 маусымнан бері «қызыл» аймақта тұр.

Түркістан облысынан басқа өңірлер түгел «қызыл» аймақта.

3 тамыздағы жағдай бойынша, республикадағы инфекциялық төсек-орынның 56 пайызында, реанимациялық төсек-орынның 44 пайызында науқастар жатыр.

Сонымен бірге, елімізде вакцина салынуы тиіс халықтың 55 пайызы екпе алды.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT