+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Алексей Цой Атырау облысындағы нысандарды аралады

2021 жылғы 28 қазан 20:07
Бөлісіңіз:
Алексей Цой Атырау облысындағы нысандарды аралады

НҰР-СҰЛТАН. ҚазАқпарат - Денсаулық сақтау министрі Алексей Цой жұмыс сапарымен Атырау облысына барды. Бұл туралы ҚазАқпарат Денсаулық сақтау министрлігіне сілтеме жасап хабарлайды.

Ұқсас жаңалықтар

Сапар барысында Денсаулық сақтау министрі «Ауыл - Ел бесігі» бағдарламасы аясында жүзеге асырылып жатқан спорт, білім беру және денсаулық сақтау саласындағы жаңа нысандардың құрылысымен танысты, сондай-ақ өңірдің медициналық мекемелеріне барды.

Ағымдағы жылы осы бағдарлама аясында 66 мың адам тұратын 16 ауылдық елді мекенде 22 жоба іске асырылуда. Бұл мақсатқа республикалық бюджеттен 3,9 миллиард теңге бөлінді.

Жұмыс сапары аясында А. Цой Исатай ауданы Тұщықұдық ауылында болып, спорт кешені құрылысының жобасымен танысты.

«Біз сіздердің қандай жағдайларыңыз бар екенін көру үшін әр елді мекенге арнайы келіп отырмыз. Денсаулық сақтау жағынан да біз сіздердің емделу үшін жағдайларыңыз болуы үшін барлығын жасаймыз, біз сіздер үшін мамандар дайындаймыз. Олар келіп, көмек көрсетіп, сіздерді емдейтін болады», - деді А.Цой.

Бұдан кейін министр Тұщықұдық ауылындағы Ж. Мырзағалиев атындағы орта мектепке 350 орындық жапсаржай құрылысының барысымен танысты. Құрылыс демеушілік қаражат есебінен жүргізілуде, жобаны 2022 жылғы желтоқсанда аяқтау жоспарлануда.

Сондай-ақ, Исатай ауданын аралау барысында министр Аққыстау ауылындағы ауыл ішіндегі автомобиль жолдарын реконструкциялау барысымен танысты. Құрылыс 2022 жылғы қыркүйек айында аяқталуы тиіс. Бұл жұмысты аяқтауға 600 млн теңге және келесі жылы тағы 900 млн теңге жұмсалмақ.

2010 жылы салынған, ал күрделі жөндеу 2022 жылға жоспарланған Аққыстау аудандық емханасын аралау барысында ауылдағы медициналық көмектің қолжетімділігі, халыққа медициналық жабдықтардың қолжетімділігі және ауылдық денсаулық сақтау жағдайы талқыланды. А. Цой Мемлекет басшысы Қасым-Жомарт Тоқаевтың «Халық бірлігі және реформа жүйесі – елдің өркендеуінің берік негізі» атты Қазақстан халқына Жолдауында берген тапсырмаларын іске асыру аясында Денсаулық сақтау министрлігі ауылдық медицинаны дамыту үшін барлық қажетті шараларды қабылдап жатқанын атап өтті.

Жұмыс сапары барысында министр облыстың Индер, Махамбет және Исатай аудандарын, сондай-ақ барлығы 9 ауылдық елді мекенді аралады.

Айта кетейік, бүгінде Атырау облысында 153 ауылдық елді мекенде 300 мың адам тұрады немесе облыс халқының жалпы санының 45%-ын құрайды.

«Ауыл – ел бесігі» жобасын іске асыру шеңберінде ауылдық елді мекендердің әлеуметтік-экономикалық даму көрсеткіштерін есептеудің жаңа әдістемесі мен моделіне сәйкес облыста 40 тірек, 38 спутниктік, 15 стратегиялық елді мекен жұмыс істейді, сондай-ақ 60 басқа ауылдық елді мекен іріктелді.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT