Қолданушы баптаулары
Қолданушы баптаулары
+7 (701) 759 90 19 Лента
USD 386.05 EUR 428.25
RUB 5.84 CNY 54.65
Jańalyqtar

Александр Винокуров: «Tour of Almaty» сияқты жарыстарды көп ұйымдастыру керек

2019 жылғы 16 тамыз 00:46 73
Бөлісіңіз:
Александр Винокуров: «Tour of Almaty» сияқты жарыстарды көп ұйымдастыру керек

НҰР-СҰЛТАН. ҚазАқпарат –Велоспорттан Олимпиада чемпионы, Astana Pro Team командасының бас менеджері Александр Винокуров елімізде «Tour of Almaty» секілді жарыстарды жиі ұйымдастыру қажет деп есептейді. Бұл туралы ҚазАқпарат Қазақстан велоспорты федерациясының баспасөз қызметіне сілтеме жасап хабарлайды.

Оның ойынша мұндай сайыстар қазақстандық шабандоздарға өте пайдалы. Себебі, олардың әрбір ұпайы олимпиадалық рейтингке әсер етіп, құраманың жағдайын жақсарта түседі.

«Бұл идея ұзақ уақыт бойы біздің арманымыз болып жүрді. 7 жыл бұрын сол идея іс жүзіне асты. Алғашқыда ол біркүндік жарыс болды. Өткен жылы жарысты екі күн қатар өткіздік. «Медеуге» мәрені белгілеп, Алматының ғаламат табиғатын әлемге паш еттік. Алматыны таңдағанымыздың да себебі түсінікті. Мұнда бұрыннан жарыстар өтіп келді, әрі қаланың көрсетер тұстары жетерлік» дейді спортшы.

Сондай-ақ, Александр Винокуров «Астана» шабандозшылары туралы да айтты.

«Біздің команда - Про-турдың ішіндегі ең мықтылардың қатарына жатады. Сондықтан өзімізде өтіп жатқан«Tour of Almaty» додасында жеңіске жеткіміз келеді. Биылғы жарыс отандық шабандоздар үшін өте маңызды. Мысалы Пронский Vino Astana Motors құрлықтық командасының атынан қатысса да ол иеленген ұпайлар Қазақстан ұлттық құрамасының қоржынына түседі. Біздің құрама ТОП-21 құрамына кірсе біз Олимпиада ойындарына 3 спортшы қатыстыра аламыз. Сондықтан да рейтингтік ұпайларға таласу қажет»,- деді ол.

Еске салсақ, бұл жарыс туралы бұған дейін хабарлаған болатынбыз.

Біздің каналымызға жазылыңыз:

Басты сөздер: Алматы, Спорт,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT