+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Александр Бублик Ролан Гаррос турнирінде әлемнің 9-ракеткасын ұтты

2020 жылғы 29 қыркүйек 00:06
Бөлісіңіз:
Александр Бублик Ролан Гаррос турнирінде әлемнің 9-ракеткасын ұтты

НҰР-СҰЛТАН. ҚазАқпарат – Қазақстанның бірінші, әлемнің 49-ракеткасы Александр Бублик Ролан Гаррос турнирінің екінші айналымына шықты, деп хабарлайды ҚазАқпарат тілшісі.

Ұқсас жаңалықтар
Astana Open: Кукушкин турнирдің бірінші ракеткасын ұтты Теннис: Кукушкин Astana Open турнирін жеңіспен бастады Тимофей Скатов Astana Open турнирінің алғашқы айналымынан аса алмады

А.Бублик алғашқы айналымда Францияның бірінші, әлемнің 9-ракеткасы Гаэль Монфиспен күш сынасты.

Қазақстандық теннисші биыл 23-ке толса, талай доданы көрген тісқаққан қарсыласы 34-те еді.

Өз елінде өтіп жатқан «Үлкен дулыға» жарысының 8-ракеткасы болып тіркелген Г.Монфис бірінші партияда 3:0 есебімен алға шықты. Әйтсе де А.Бублик қатарынан бес геймді ала білді – 5:3. Содан кейін сетке доп бергенде, мүмкіндігін пайдалана алды – 6:4.

Екінші сетте корт иесі тағы да алға кетті – 4:2. Бұдан кейін қарсыластар брейкпен алмасты – 5:3. Сосын Бублик таразы басын теңестіріп қана қоймай, сетті өз пайдасына жазды – 7:5.

Үшінші партияда есеп 2:2 болған мезетте Бублик брейк жасағанымен, қарсыласы қайта күшейіп, есепті 6:3-ке жеткізді.

Төртінші сетте франциялық спортшы брейкпен алға кетті – 2:1. Қазақстандық теннисші есепті қайта теңестірді – 2:2. Содан соң тағы бір брейкпен есепті 5:3-ке жеткізді. Ақыры екінші матчболын пайдалана алды – 6:3.

Тартысты бәсеке 2 сағат 35 минутқа созылды.

А.Бублик екінші айналымда әлемнің 46-ракеткасы, италиялық Лоренцо Сонегомен шеберлік байқасады. Ол 4 сағаттан астам уақытқа созылған бастапқы кездесуінде 6:7 (6:8), 6:3, 6:1, 6:7 (4:7), 6:3 есебімен эквадорлық Эмилио Гоместің меселін қайырды.

Франция ашық чемпионатында сейсенбі күні әйелдер арасында Қазақстанның бірінші, әлемнің 18-ракеткасы Елена Рыбакина румыниялық Сорана-Михаэла Кырстямен, ал Зарина Дияс Тунис өкілі Онс Жабермен кортқа шығады.

Еске сала кетейік, бұдан бұрын А.Бубликтің әлемдегі үздік 50 теннисшінің қатарына кіргенін, М.Кукушкиннің Ролан Гаррос турнирінің екінші айналымына шыққанын жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT