Валюта бағамдары:
    usd/kzt 465.95 eur/kzt 485.43

    rub/kzt 7.72 cny/kzt 65.28
Ауа райы:
Нұр-Сұлтан: +2+4℃
  Jańalyqtar  >

Александр Бублик Франциядағы турнирдің ширек финалына шықты

2022 жылғы 22 қыркүйек, 20:44

АСТАНА. ҚазАқпарат - Қазақстанның бірінші, әлемнің 44-ракеткасы Александр Бублик Метц (Франция) ATP 250 турнирінің ширек финалына шықты, деп хабарлайды ҚазАқпарат тілшісі.

Жарыстың жетінші ракеткасы болып тіркелген қазақстандық теннисші екінші айналымда дүниежүзілік рейтингте 51-орында тұрған финляндиялық Эмил Руусувуоримен кездесті.

Бірінші партияда тай-брейкте фин теннисшісі басым түсті - 7:6 (7:4).

Екіншісінде Бублик есе қайырды - 6:4.

Үшінші, шешуші сетте қазақстандық теннисші 3:1 есебімен алға шықты. Ақыры матчты жеңіспен тәмамдады - 6:3.

Екі сағат 14 минутқа созылған бәсеке барысында Бублик 13 эйс жасап, 5 брейк-пойнттың төртеуін пайдалана білді.

А.Бублик жартылай финалға шығу үшін әлемнің 31-ракеткасы, даниялық Хольгер Руне немесе рейтингте 61-сатыдағы франциялық Бенджамин Бонзидің біреуімен таласады.

Еске сала кетейік, бұдан бұрын Александр Бубликтің Франциядағы турнирді жеңіспен бастағанын жазған болатынбыз.

Сондай-ақ қазақстандық теннисші Португалиядағы жарыстың ширек финалына шықты.


Фото: ktf.kz



Автор:

Ғайсағали Сейтақ

Новости по теме
Ұқсас жаңалықтар
Серіктестер жаңалықтары