Алдағы үш тәулікте күн суытып, 28 градусқа дейін аяз болады

АСТАНА. ҚазАқпарат - Қазгидромет 20-22 желтоқсанға арналған ауа райы болжамын жариялады, деп хабарлайды ҚазАқпарат.

Таяудағы үш тәулікте Қазақстанның басым бөлігінде ауа райының тұрақсыз сипаты сақталады.

Атап айтқанда қар жауып, бұрқасын соғады, желдің қарқыны - 15-20, екпіні 23-28 м/с жетеді.

Еліміздің батысында, оңтүстігінде, оңтүстік-шығысында көктайғақ болады.

Суық арктикалық ауа массаларының әсерінен республиканың бүкіл аумағында ауа температурасы төмендейді.

Елдің солтүстік-батыс, солтүстік, орталығында 15-28 градус аяз болады.