Алдағы үш күнге ауа райы болжамы: Оңтүстікте - нөсер жауын, солтүстікте - үсік

НҰР-СҰЛТАН. ҚазАқпарат - Синоптиктер 23-25 мамыр аралығына арналған ауа райы болжамын ұсынады, деп хабарлайды ҚазАқпарат Қазгидрометке сілтеме жасап.

Қазақстанның батысына жылжыған антициклон жылдам өтіп кетеді және оның орнына Ресейдің еуропалық бөлігінен суық атмосфералық фронттар келе бастайды. Осыған байланысты оңтүстікте найзағай жарқылдап, жауын-шашын болады. Оңтүстік-шығыстың таулы аймақтарында нөсер жаңбыр жауады. Ауа температурасы климаттық нормадан 2...6°С төмендейді.

Солтүстік, орталық және шығыс облыстарда алдағы түнде -3°С үсік жүреді.