12:07, 17 Қазан 2018 | GMT +6
Алдағы үш күнде Қазақстанда қар жауады
АСТАНА. ҚазАқпарат - «Қазгидромет» РМК 2018 жылдың 18-20 қазан күндеріне ауа-райы болжамын таратты, деп хабарлайды «ҚазАқпарат».
«Суық арктикалық ауа массасының келуі күннің суытуына себеп болады. Жауын-шашын, әсіресе Қазақстанның барлық дерлік аумағында қар жауады. Алдағы үш тәулікте ауа райының күрт өзгеруі күтілмейді. Бұрынғыдай көптеген облыстарда жауын-шашын, әсіресе қар, көктайғақ, тұман түседі және ауа температурасы осы кезеңге тән қалыпты температурадан 3...5°С төмен болады. Тек республиканың батыс облыстары көтеріңкі атмосфералық қысым аясында болады, сондықтан мұнда жауын-шашынсыз және жылы ауа райы күтіледі. Ауа температурасы күндіз плюс 12...20°С дейін жылынады», - делінген синоптиктердің хабарламасында.