Алдағы үш күнде қар жауып, бұрқасын болады

НҰР-СҰЛТАН. ҚазАқпарат - Қазгидромет 12-14 қарашадаға арналған ауа райы болжамын жариялады, деп хабарлайды ҚазАқпарат.

«Бүкіл кезеңде Қазақстанның басым бөлігі Солтүстік циклонның ықпалында болады. Оның бұлтты алқаптары қар мен жаңбыр түрінде жауын-шашын әкеледі. Кей жерлерде тұман, көктайғақ, солтүстік өңірлерде бұрқасынның пайда болуына әкелетін екпінді жел күтіледі», - делінген хабарламада.