13:34, 22 Мамыр 2020 | GMT +6
Алдағы демалыста күн ыстық болады
НҰР-СҰЛТАН. ҚазАқпарат - Синоптиктер алдағы 3 күнде ауа райы қандай болатынын айтты, деп хабарлайды ҚазАқпарат.
«Қазгидромет» РМК баспасөз қызметінің мәліметінше, алдағы күндері Қазақстанның басым бөлігі антициклонның ықпалында болады. Сондықтан барлық аумақта дерлік жауын-шашынсыз ыстық ауа райы күтіледі.
Алайда кей жерлерде жел күшейеді. Оңтүстік және батыста шаңды дауыл соғады.
Тек бірінші күні атмосфералық фронттардың ықпалымен батыс өңірлерде кей жерлерде найзағай жарқылдап, жаңбыр жауады.