Алдағы демалыс күндері ауа райы қандай болады

АСТАНА. ҚазАқпарат – Қазгидромет алдағы демалыс күндердегі ауа райы болжамын жариялады, деп хабарлайды ҚазАқпарат.

Қазақстан аумағының басым бөлігінде атмосфералық фронттардың өтуіне байланысты құбылмалы болады және қар жауады.

Тек еліміздің батыс, оңтүстік, орталығында ауа райы негізінен жауын-шашынсыз болады. Республиканың солтүстік-батысында, солтүстігінде, шығысында бұрқасын соғып, оңтүстік және оңтүстік – шығыста тұман түседі.

Түнгі сағаттарда ауа температурасы батыста 7-20-дан 5-15 градусқа дейін, солтүстік-батыста 18-30 градустан 12-22-ге дейін, солтүстікте 17-30-дан 10-26-ға дейін, орталықта 20-30-дан 18-28 градусқа дейін суық болады.

Ал еліміздің шығысында 15-35 градустан 12-25 градусқа дейін, оңтүстікте минус 30 градустан 7-20-ға дейін түседі. Оңтүстік-шығыста 12-25 градус аяз күтіледі.