Албанияда зілзаладан қаза тапқандар саны 18 адамға жетті, 600-і зардап шеккен
2019 жылғы 27 қараша 07:39

Албанияда зілзаладан қаза тапқандар саны 18 адамға жетті, 600-і зардап шеккен

НҰР-СҰЛТАН. ҚазАқпарат -Албанияда болған жер сілкінісінен кем дегенде 18 адам қаза тапты, деп хабарлайды ҚазАқпарат France Presse агенттігіне сілтеме жасап.

Бұған дейін Exit порталы 16 адам мерт болып, 600 адам зардап шеккенін хабарлаған. 43 адамды үйінділер арасынан алып шығудың сәті түскен.

Ел астанасы Тиранада 500-ге жуық ғимарат қираған, сондай-ақ Дуррес қаласына зор шығын келген.

АҚШ Геология қызметінің мәлімдеуінше, 6,4 магнитудалы зілзаланың эпицентрі Тирананың жанындағы Шиджак қаласынан солтүстік-батысқа қарай 10 шақырымда болған.

Зілзала ошағы 10 км тереңде орналасқан.

Дүмпуді Солтүстік Македония, Сербия, Черногория, Босния және Герцеговина, Грекия, Хорватия және Италия тұрғындары да сезген.

Автор:
Тілші

Jańalyqtar

MURAǴAT