+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Алакөлге лас су ағызған қонақүй жабылуы мүмкін

2019 жылғы 8 тамыз 10:45
Бөлісіңіз:
Алакөлге лас су ағызған қонақүй жабылуы мүмкін

НҰР-СҰЛТАН. ҚазАқпарат – Алматы облысы бойынша Экология департаменті Алакөлге лас су ағызған мекеменің қызметін тоқтату туралы сотқа талап-арыз түсіреді, деп хабарлайды ҚазАқпарат тілшісі.

«Алматы облысы бойынша Экология департаменті Алакөл көліне сарқынды суларды ағызу фактісі бойынша «ALMATRADEGROUP» ЖШС-ға қатысты жоспардан тыс тексеру жүргізді. Су көл жағасында орналасқан екі бассейннен (балалар мен ересектер) заңсыз орнатылған құбырлар арқылы ағызылған. Департамент кәсіпорынның құжаттамаларын тексеріп, судың сынамаларын алды», - делінген ҚР Экология, геология және табиғи ресурстар министрлігінің Facebook-тегі парақшасында.

Тексеру нәтижелері бойынша, сарқынды суларды мемлекеттік экологиялық сараптаманың қорытындысы мен қоршаған ортаға эмиссияға рұқсатсыз ағызуды жүзеге асыру бөлігінде заңбұзушылықтар анықталған.

«Жіберілген экологиялық заңнама бұзушылықтары үшін әкімшілік айыппұл салынды. Сарқынды суларды ағызу жүзеге асырылған құбырларды жою туралы ұйғарым берілді. Сондай-ақ қоршаған ортаға келтірілген залал сомасы анықталып жатыр. Алматы облысы бойынша Экология департаменті мекеменің қызметін тоқтату туралы сотқа талап-арыз беретін болады. Су ресурстарының сапасы тұрақты жағдайда, қоршаған ортаға қауіп байқалмайды. Алматы облысы бойынша Экология департаменті «Қазгидромет» РМК филиалы, санитарлық-эпидемиологиялық қызметімен берлесіп суға мониторинг жүргізуде», - делінген министрліктің хабарламасында.

Алматы облысындағы Алакөлге құбыр арқылы лай су төгіліп жатқаны бұған дейін хабарланған болатын. Әлеуметтік желіге тараған видео халықтың наразылығын тудырды.

ҚР Экология, геология және табиғи ресурстар министрі Мағзұм Мырзағалиев бұл жағдайға кінәлілер жазаланатынын айтты.

Ал жуырда «Қазгидромет» РМК-ның Алматы облысы бойынша филиалының мамандары Алакөлдің бес нүктесінен алынған су сынамасына жүргізілген жоспардан тыс тексерістің қорытындысын жариялаған еді.

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT