Алакөлде электр желісін жөндеп жатқан жұмысшы көз жұмды

АЛАКӨЛ. ҚазАқпарат - Алматы облысында электр желісін жөндеп жатқан жұмысшы көз жұмды. Оқиға Алакөл ауданында болған, деп хабарлайды ҚазАқпарат.

«Алакөл ауданы бойынша «ТАТЭК» АҚ компаниясында жоспарлы Талдықорған-Өскемен тас жолының 110 кв-тық электр желісімен қиылысқан жерінде қайта жаңарту жұмыстары жүргізілуі барысында төтенше жағдай болды... Жұмыс жүргізу барысында апатты жағдай болып, бір қызметкер көз жұмды», - деп жазды Алакөл ауданының әкімі Әлібек Жақанбаев желідегі парақшасында.

Қазіргі уақытта ауданда электр жарығына жөндеу жұмыстары жүргізілуде.