+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Алакөл жағалауындағы интернет жұмысын жақсарту қажет – сенатор

2021 жылғы 21 қазан 13:08
Бөлісіңіз:
Алакөл жағалауындағы интернет жұмысын жақсарту қажет – сенатор

НҰР-СҰЛТАН. ҚазАқпарат – ҚР Парламенті Сенатының депутаты Сұлтан Дүйсенбинов Алматы облысының туризм саласындағы өзекті мәселелерді көтерді, деп хабарлайды ҚазАқпарат тілшісі.

Ұқсас жаңалықтар
Қазақстанда қандай қалдықтарды көмуге тыйым салынған Үкімет Экологиялық кодекстегі бағалаудың жаңа құралдары жайында мәліметтермен бөлісті

Премьер-Министрге жолдаған сауалында сенатор Алакөл көлі жағалауының инженерлік инфрақұрылымын дамытудың маңыздылығына тоқталды. Қолданыстағы электр желісіне түсетін ауыртпалық көп болғандықтан кей жерлерде электр қуатының жетіспеушілігі байқалады. Алакөлде мобильді интернетке қол жеткізуде де проблемалар бар.

«Туристік объектілерде ұялы байланыс операторларының станциялары болғанымен, олардың қуаты бүкіл Алакөл жағалауын қамти алмайды. Осы орайда, ұялы байланыс операторлары станцияларының ауқымын арттыру, туризм объектілері үшін жеңілдікті бағалармен жоғары жылдамдықта интернет желілерін жүргізу жолдарын қарастыру керек», - деді өзінің депутаттық сауалында Сұлтан Дүйсембинов.

Сонымен бірге, сенатор Алматы облысындағы тау шаңғысы курорттарын сумен қамтамасыз етуге байланысты мәселелерді де көтерді. Ол қосылатын нысандар мен келешегі зор тау шаңғысы курорттарының қажеттіліктері үшін су ресурстарына гидрогеологиялық зерттеулер жүргізу қажет екенін атап өтті.

Депутаттың айтуынша, мұндай жұмыстар соңғы рет 1985 жылы жүргізілген.

Сенатор Қазақстанда туризмді дамытуға қатысты өзекті мәселелер келесі жылдың басында «Қазақстанның ішкі туризмін дамыту – уақыт талабы» тақырыбы бойынша парламенттік тыңдауда қаралатынын атап өтті.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT