Альварес спорттан уақытша шеттетілді

None
None
АСТАНА. ҚазАқпарат - Мексикалық боксшы Сауль Альварес Невада штаты Атлетикалық комиссиясының (NSAC) шешімімен уақытша спорттан шеттетілді, деп хабарлайды Sports.kz.

Боксшының тағдыры бұдан әрі қалай болатындығы аталған комиссияның 10 сәуірде өтетін отырысында белгілі болады.

Еске салайық, наурыз айының басында Сауль Альварестен алынған допинг сынамалардың бірінен тыйым салынған препарат табылды. Оның мүддесін қорғайтын Golden Boy промоутерлік компаниясы боксшының қан құрамынан тыйым салынған препарат - Кленбутерол табылғаны туралы ақпаратты растады.

Бұған дейін хабарлағанымыздай, WBA/WBC/IBF/IBO тұжырымы бойынша орта салмақтағы әлем чемпионы Геннадий Головкин 2017 жылдың 16 қыркүйегінде өткен алғашқы жекпе-жекте оның қарсыласы Сауль Альварес тыйым салынған заттардан «таза» болғанына күмән келтірген болатын.

Головкин мен Альварестің реваншы ағымдағы жылдың 5 мамырына жоспарланған.

Соңғы жаңалықтар