Alık Shpekbaev memqyzmetshіlerge syıǵa berіlgen aqshamen ne іsteý kerektіgіn aıtty

ASTANA. QazAqparat - QR Memlekettіk qyzmet іsterі jáne sybaılas jemqorlyqqa qarsy іs-qımyl agenttіgіnіń tóraǵasy Alık Shpekbaev memlekettіk qyzmetshіlerge berіlgen syılyqtardy arnaıy qorǵa ótkіzýdіń tártіbіn túsіndіrdі, dep habarlaıdy QazAqparat.

Internet-konferensıa barysynda: «Memlekettіk qyzmetshіnі eskertpesten onyń uıaly telefonyna belgіsіz bіreýdіń atynan tólem tússe, onda bul aqshany arnaıy qorǵa ótkіzýdіń tártіbі qandaı?», - degen saýal qoıyldy.

Óz kezegіnde Alık Shpekbaev qoldanystaǵy normatıvtіk-quqyqtyq aktіler memqyzmetshіlerge syılyqtardy, materıaldyq árі materıaldyq emes syıaqylardy alýǵa tyıym salatynyn eske salyp óttі.

Bul talap oryndalmaǵan jaǵdaıda, syılyqtyń qunyna qaraı qylmystyq nemese ákіmshіlіk jaýapkershіlіk eskerіlgen. Qylmystyq - 2 AEK-ten joǵary; ákіmshіlіk - 2 AEK-ke deıіn.

«Eshbіr eskertýsіz memlekettіk qyzmetshіnіń shotyna túsken aqsha, sondaı-aq tıіstі fýnksıalardy oryndaǵany úshіn berіlgen qarjy anyqtalǵannan keıіn, ekі aptadan aspaıtyn merzіmde respýblıkalyq bıýdjetke aýdarylýy tıіs. Osy oraıda atalǵan qarjynyń túsýі jaǵdaıy týraly memlekettіk kіrіsterdіń tıіstі organyna túsіnіkteme usynylýy kerek», - dedі A. Shpekbaev.