Ақжайықтық сегіз майдангер Елбасы құттықтауын алып, бір жасап қалды - БҚО
2014 жылғы 29 желтоқсан 17:26

Ақжайықтық сегіз майдангер Елбасы құттықтауын алып, бір жасап қалды - БҚО

ОРАЛ. ҚазАқпарат - Бүгін Ақжайық ауданында Ұлы Отан соғысының сегіз қатысушысына Елбасымыз Нұрсұлтан Назарбаевтың жаңажылдық құттықтау хаты мен сыйлықтары тапсырылды.

Аудан әкімі Нариман Төреғалиев Чапаевтағы майдангерлер Қасен Қоспаев, Иван мен Александр Акутиндер және Қаматай Сарбөпеевтың үйлеріне барып, аталған хат пен сыйлықтарды тапсырды. Қариялар бір жасап қалды. Олар Отанымыздағы тыныштықтың баянды болып, одан әрі нығаюы үшін не қажеттің бәрін жасап отырған мемлекетіміздің басшысы атына игі лебіздерін айтты.

«Елбасымыз, халқымыз аман болсын. Қанқұйлы соғыс көргендіктен, біз тыныштықтың қадірін жақсы білеміз. Оған жететін ештеңе жоқ. Осыны жас ұрпақтың құлағына құйып келемін», деді Қ.Сарбөпеев.

Осы күні Жаңабұлақ ауылындағы «Әулет» мейрамханасында аудан басшылығы атынан мерекелік дастархан жайылды. «Жамиға» шаруа қожалығы демеушілік жасаған шараға майдангерлер, тыл еңбеккерлері, ардагерлер, барлығы 35 адам келді.

Jańalyqtar

Үрдіс

MURAǴAT