+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Ақын Мақпал Жұмабай Лондонда жеке концертін өткізеді

2019 жылғы 4 қыркүйек 18:26
Бөлісіңіз:
Ақын Мақпал Жұмабай Лондонда жеке концертін өткізеді

НҰР-СҰЛТАН. ҚазАқпарат – Қазақстандық ақын әрі музыкант Мақпал Жұмабай Ұлыбритания астанасы Лондонда жеке концертін өткізбек. Алдағы 18 қыркүйекке жоспарланған шығармашылық кеші туралы ҚазАқпарат тілшісіне ақынның өзі айтып берді.

Ұқсас жаңалықтар
ТҮРКСОЙ Жастар камералық оркестрі Бакуде өнер көрсетті Әділхан Макин «Славян базарынан» алған әсерімен бөлісті

«Бұл жобаға дайындалғаныма тура бір жыл болды. Жуырда 15 адам Лондонға аттанғалы отырмыз. Заманауи қазақ өнері үшін тәуекелге бел байладық. Біршама уақыт бұрын білімім мен тәжірибемді заманауи өнерімізді дамыту жолына арнайтынымды, сол жолда нақты істер бастағанымды жариялаған едім. Бұл Лондон сапары – сол нақты ісімнің, тәуекелімнің бірі. 18 қыркүйек Лондондағы Брунель кеңістігінде (музейінде) АUA концептуалды концертім өтеді. Концертті индустриалдық революцияның тұлғалары Марк және Изамбард Брунельдер 1842 жылы салған осы тарихи ғимаратта өткізгім келді», - дейді Мақпал Жұмабай.


Музыканттың айтуынша, концертте айтылатын барлық жырлар кәсіби деңгейде ағылшын тіліне аударылған.

«Концертпен қатар, Лондонда «Maqpalsher» атты анимациялық қысқа метрлі фильмімізді көрсетеміз. Кеште айтылатын барлық жырларды кәсіби аудармашы ағылшын тіліне аударды. Аударма көрсетіледі әрі қонақтарға кітапша ретінде тарту етіледі. Күні кеше ғана ұйымдастыру жұмыстарының барлық кезеңіне нүкте қойдық», - деді ол.

Ақын ағылшын еліндегі өз шығармашылық кешін қазақ өнерінің шетелге шығуы, танылуы деп санайды.

«Әрине, Лондонда концерт беру әлемдік жаңашылдық емес, дегенмен мен үшін, менің шығармашылығым үшін маңызды. Ән кешімде барлығы 12 авторлық жыр орындалады. Жырларым арқылы ағылшын тыңдармандарына қазақ халқының дүниетанымы мен адамның ішкі сезімін жеткізгім келеді. Менің шығармаларымда өмір, адами құндылықтар мен елене бермейтін нәзік сезімдер баяндалады. Бір жағынан біз үшін сын болайын деп тұр, себебі біздікі стандартты емес, жаңа музыкалық бағыт. Тағы бір айтып өтетін жайт, концерт - коммерциялық емес, мәдениетке, өнерге арналған жоба, сондықтан ол тегін өтеді», - дейді өнер иесі.

Музыкант мәлім еткендей, концерт жанды дауыста өтеді және оған шамамен 120-150 көрермен келеді деп күтілуде.

Біздің каналымызға жазылыңыз:

Басты сөздер: Еуропа, Мәдениет, Өнер,
Бөлісіңіз:

Автор:

Әли Ибраев

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT