10:33, 21 Тамыз 2009 | GMT +6
Ақын А.Бақтыгерееваның 65 жылдығына орай жыр мүшәйрасы жарияланды
ОРАЛ. Тамыздың 21-і. ҚазАқпарат /Ғайсағали Ералы/ - Белгілі ақын, биылғы тамызда 65 жасқа толатын Ақұштап Бақтыгерееваның мерейтойына орай жыр мүшәйрасы жарияланды,
деп хабарлайды ҚазАқпарат тілшісі.
«Еркіндігім, өз елім, Жырла, Жайық өзенім» деп аталған өлең бәйгесіне 14-29 жас аралығындағы облыс жастары қатыса алады.
Өлеңдер биылғы қыркүйектің 16-сына дейін «Жайық Пресс» ЖШС-ына жолданады. Бұл - облыстық «Орал өңірі», «Приуралье» газеттерін біріктіретін аталмыш серіктестіктің соңғы екі жылда ұйымдастырып отырған үшінші мүшәйрасы.