+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Ақылы жолдармен жүретін жүргізушілерге RFID-таңбалары тегін беріледі

2018 жылғы 25 тамыз 15:17
Бөлісіңіз:
Ақылы жолдармен жүретін жүргізушілерге RFID-таңбалары тегін беріледі

АСТАНА. ҚазАқпарат - Астана мен Бурабай аралығындағы ақылы жолда RFID-жүйесі тестілеуден өткізілді. Бұл туралы Астанада өткен баспасөз мәслихатында «Қазавтожол» ҰК» АҚ бизнесті дамыту жөніндегі басқарушы директоры Рустам Исаев мәлім етті, деп хабарлайды ҚазАқпарат.

«RFID - жүйесіне тоқталып өткім келеді. Бұл таңбалар көліктің алдыңғы әйнегіне жапсырылады. Атап айтқанда, Астана мен Бурабай аралығындағы ақылы жолда осы жүйені тестілеуден өткіздік. Бұл жүйе тәуліктің кез келген уақытында көлік туралы мәліметті толықтай сәйкестендіруге жол ашады. Осы орайда жол ақысы есептелетін бекеттерде автокөлікті айтарлықтай жылдам тануға мүмкіндік беріледі. Көліктер төлем алынатын бекеттерден еш кедергісіз өтеді», - деді Исаев.

Оның сөзіне қарағанда, алдағы жылдан бастап аталған жапсырмалы таңбаларды тарату жұмыстары іске асырылады. Бірінші кезекте ақылы учаскелер аумағына жақын орналасқан тұрғындарға беріледі. Содан кейін қалған жүргізушілерге тапсырылады. Аталған RFID - таңбалар жүргізушілерге тегін таратылады.

«Биыл жолдардың үш учаскесінде ақылы жүйе енгізіледі. Осы жұмыстар аяқталғаннан кейін, бұл таңбалар таратыла бастайды. Бірінші кезекте, абонемент ретінде таңбаларды жергілікті тұрғындарға беріледі. Осындай белгісі бар көлік төлем бекетінен өткен кезде, көлікке тиесілі шоттан қажетті сома алынып отырады. Мәселен, қазіргі кезде Бурайбайдан Астанаға келген уақытта құрылғылар автокөлік нөмірін танығанша біршама уақыт тоқтап тұру керек. Ал RFID -таңбасы бар көліктерге қатысты бұл шаралар айтарлықтай жылдам жүреді. Автомобиль бекетке (шлагбаумға) тоқтамастан өте шығады», - деп түсіндірді.

RFID - жүйесі - ол ішінде чип орнатылған шағын ғана заттаңба іспеттес. «RFID - Radio Frequency Identification», яғни «радиожиілікті идентификация» кезінде өзара мәлімет алмасуға болады.

Ондайда арнайы құрылғылар RFID-белгілерге салынған ақпаратты қашықтықта оқи алады. Сөйтіп, автоматты түрде ақы алуға мүмкіндік бар.

Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанат Қапалбаева
Жанат Қапалбаева
954-059
REDAKTOR
Алтынбек Кумарзак
Алтынбек Кумарзак
954-059

MURAǴAT