+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Ақтоты Райымқұлова Президентке мемлекет қаржыландыратын 42 фильм жайында есеп берді

2021 жылғы 28 қыркүйек 19:25
Бөлісіңіз:
Ақтоты Райымқұлова Президентке мемлекет қаржыландыратын 42 фильм жайында есеп берді

НҰР-СҰЛТАН. ҚазАқпарат - Қасым-Жомарт Тоқаевқа мәдениет, спорт, туризм және архив салаларында атқарылып жатқан жұмыстар бойынша мәлімет берілді. Сонымен қатар ел Тәуелсіздігінің 30 жылдығына, өнер және мәдениет қайраткерлерінің мерейтойларына арналған іс-шаралар туралы баяндалды, деп хабарлайды Ақорданың баспасөз қызметі.

Ұқсас жаңалықтар
Президент азық-түлік бағасының қымбаттауына қатысты пікір білдірді Мемлекет басшысы «Қазақмыс корпорациясы» ЖШС-ның жоспарымен танысты Президент Қарағанды облысындағы полиметалл кен байыту фабрикасын іске қосу рәсіміне қатысты

Ақтоты Райымқұлова Мемлекет басшысына Шәкен Айманов атындағы «Қазақфильм» киностудиясының жұмысы, Ұлттық киноны қолдаудың мемлекеттік орталығы, сондай-ақ «Кинематография туралы» Заңға енгізілетін толықтырулар туралы мәлімет берді.

Оның айтуынша, биыл сарапшылар кеңесі мен ведомствоаралық комиссия мақұлдаған 42 киножобаны қаржылай қолдау жоспарланған.

Қасым-Жомарт Тоқаевқа шығармашылық үйірмелер мен спорт секцияларын жан басына қарай қаржыландыру жұмысы туралы ақпарат берілді.

Елімізде балалар мен жасөспірімдердің 50 пайызын қамтыған 22 мыңға жуық шығармашылық үйірме мен 126 мың спорт секциясы жұмыс істейді.

Министр мәдениет және спорт салаларындағы заңнамаға өзгерістер мен толықтырулар енгізу жұмысы туралы баяндады.

Сонымен қатар, кездесу барысында ішкі туризмді дамытудың перспективалары, осы саланы цифрландыру мәселелері талқыланды.

Қазіргі уақытта бірқатар цифрлық шешімдер іске қосылды. Kazakhstan.travel ұлттық туристік порталы, Туризм онлайн, View Project, eQonaq жүйесі, гидтердің бірыңғай тізімі, сондай-ақ көрсетілген қызмет сапасына қатысты пікір немесе шағым қалдыруға мүмкіндік беретін E-Shagym модулі сияқты жаңа ресурстар әзірленіп жатыр.

Президентке ЮНЕСКО-мен ынтымақтастықтың жағдайы туралы баяндалды.

Бүгінде Қазақстан атынан Бүкіләлемдік мұра тізіміне тарихи және мәдени он ескерткіш енгізілген.

Ақтоты Райымқұлованың айтуынша, министрлік ЮНЕСКО тізіміне материалдық және материалдық емес мәдени мұраның жаңа нысандарын енгізу бойынша белсенді жұмыс жүргізіп жатыр.

Кездесу соңында Қасым-Жомарт Тоқаев министрге осы бағыттағы жұмыстарды жалғастыруды тапсырды.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Үмбет Шолпан
Үмбет Шолпан
954-059
REDAKTOR
Айдар Оспаналиев
Айдар Оспаналиев
954-059

MURAǴAT