Ақтөбенің Қобда ауылында 15 үй, сауықтыру орталығы мен кафе су астында қалды

None
АҚТӨБЕ. ҚазАқпарат - Ақтөбе облысының Қобда ауданындағы жағдай өңір басшылығының бақылауында, деп хабарлайды ҚазАқпарат

13 наурызда Қобда ауданында қардың қарқынды еруі және далалықта еріген қар суы салдарынан Қобда ауылында 15 үй, 28 аула аумағы, денешынықтыру-сауықтыру кешенінің ғимараты, бір кафе су астында қалды.

Тұрғындар қауіпсіз жерге - эвакуациялық пунктке көшірілді.

Қазіргі уақытта үйлердің аулаларын аралау жүргізілуде, қапшықтарды төсеу бойынша шаралар қабылдануда. 6 мың м3 астам еріген қар суы сорылды.

Су тасқынына қарсы іс-шараларға 35 техника, 123 адам жұмылдырылды.

Қобда ауданы Егіндібұлақ ауылына да еріген қар суы кірді. Тұрғын үйлер мен жеке қосалқы шаруашылықтарға қауіп жоқ.

Су тасқыны кезеңі басталғаннан бері Ақтөбе қаласы мен аудандардан 1 514 өтінім қабылданып, барлығы пысықталды.

Бүгінгі таңда облыс бойынша барлығы 181 мың м3 астам еріген қар суы сорылды.

26,1 шақырым арық тазартылды, 4 972 м3 инертті материал әкелінді, 3 320 дана қап төселді, елдімекендерден 524,9 мың м3 астам қар шығарылды.

Қосымша 138 ассенизатор тартылды.

Жергілікті жерлерде 142 техника, 20 мобильді бригада жұмыс істейді, 650 адам жұмылдырылды.

Қазіргі уақытта Ақтөбе қаласы бойынша су басқан көшелер жоқ. Бақылауға алынған 4 учаскеде еріген қар суының түсуіне қарай мерзімді жұмыстар жүзеге асырылады.


Соңғы жаңалықтар