+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Ақтөбенің бірнеше ауданын шалғын құрт жайлап кетті

2021 жылғы 28 шілде 21:01
Бөлісіңіз:
Ақтөбенің бірнеше ауданын шалғын құрт жайлап кетті

АҚТӨБЕ. ҚазАқпарат – Ақтөбеде 8 мың гектар аумақты шалғын құрт жайлады. Оның 2400 гектары - ауыл маңы мен басалқы жер, деп хабарлайды ҚазАқпарат тілшісі.

Ұқсас жаңалықтар
Қостанайдағы іргелі шаруашылық егін орағын аяқтауда Ақмола облысындағы диқандар әр гектардан 15 центнерден астық алуда ШҚО-да ауыл шаруашылығы өнімдерінің экспорты 4 есеге артпақ

Ақтөбе облысының Қарғалы, Мәртөк, Хромтау, Алға, Мұғалжар және Ақтөбе қаласының аумағын жұлдызқұрт жайлады.

Шөп талғамайтын шалғын құртты улау жұмысына шаруалардың өздері жауапты. Ал ауыл-аймаққа тиесілі жерді улау - атқарушы биліктің міндеті.

«Жаңбыр жауып, кейін күн қатты ысығанда осындай болады. Бұл 8-10 жылда бір қайталанатын жағдай. Фитосанитариялық диагностика және болжамдар-әдістемелік орталығы анықтаған аумақта ғана химиялық өңдеу жүргізіледі. Қазір 8 мың гектар жер анықталды. Оның 2400-і босалқы жер және елдімекенге тиесілі аумақ. Ал 5400-і шаруалар меншігінде. Талап бойынша шаруалар өз қаржысына өңдеу жүргізеді. Кейін қаржысының тең жартысы субсидияланады», - деді облыстық ауыл шаруашылығы басқармасының басшысы Исатай Есмағамбетов.

Қазіргі кезде улау жұмысына арналған 15 техника бар. Арасында жүк көлігі мен ұшақ жұмылдырылады.

Айта кетейік, қазір қала маңында көкөніс өсіретін шаруа қожалығы аумағына да құрт түскені анықталды.

Облыстық ауыл шаруашылығы басқармасының басшысы Исатай Есмағамбетовтің айтуынша, көкөніспен қатар егіс алқабы, майлы дақыл өсірілген жерде де құрт бар .

«Шаруашылықтар өз кезегінде улау жұмысын жүргізген. Еккені, баптағаны жаппай жойылды деп айтуға болмайды. Бұл көкөніс пен жеміс бағасына кері әсер етеді деп те ойламаймыз. Себебі бүлінген аумақ аз, шаруалар улап жатыр», - деді облыстық ауыл шаруашылығы басқармасының басшысының орынбасары Асылхан Әбтиев.

Шаруалар қазір 9 мың гектар аумақты улап үлгерген. Олар - Мәртөк, Қарғалы, Мұғалжар және Алға аудандарының шаруалары.

Біздің каналымызға жазылыңыз:

Бөлісіңіз:

Автор:

Алтынай Сағындықова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT