+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Ақтөбеліктер 101-атқыштар бригадасынан тірі қалған жалғыз ардагерді құттықтады

2021 жылғы 9 мамыр 18:24
Бөлісіңіз:
Ақтөбеліктер 101-атқыштар бригадасынан тірі қалған жалғыз ардагерді құттықтады

АҚТӨБЕ. ҚазАқпарат – 101-атқыштар бригадасының жауынгері Сатылған Бекмағамбетов биыл Жеңіс мерекесінде құттықтап келушілерді ақ батасымен қарсы алды. Ғасыр жасаған қарт қаруластары арасынан өзі ғана тірі қалған, деп хабарлайды ҚазАқпарат тілшісі.

Ұқсас жаңалықтар

Сатылған Бекмағамбетов 1921 жылы Ойыл ауданының Саралжын ауылында дүниеге келген.

Ол Қобда ауданындағы Жиренқопа ауылындағы мектепте оқып, зоотехник мамандығын да алып үлгерді. Ал 1941 жылы майданға шақырылды.

Бірден оқу-жаттығуға қатысып, 1942 жылы 101-атқыштар бригадасы құрамында шайқасқа түсті. Тарихқа сүйенсек, 101-атқыштар бригадасы Ақтөбеде жасақталды.

Оған Ақтөбе, Батыс Қазақстан, Атырау мен Қызылорда облыстарынан шақырылғандар кірді.

4 мыңға жуық жауынгері мен командир, 16 жүк, 6 жеңіл көлігі мен 460 ат да осы бригаданың еншісінде болды.

Сатылған Бекмағамбетов сол майдангерлер арасында тірі қалған жалғыз ардагер. Ол Мәскеу, Ржев, Смоленск түбіндегі қанды шайқастарда аман қалды, екі рет жараланды.

Тұтқынға түсті, қашып шығып, әскерге қайта қосылды.

«Бір апта бойы әкемді Жеңіс күнімен құттықтап келіп жатыр. Өзі соғыс жылдары туралы айтпайды. Себебі «құпия сақтау» туралы жарлыққа қол қойған екен. Ал жеңісті Кенигсбергте қарсы алған. Әкем 8 баласынан 16 немере, 21 шөберемен қатар шөпшегін де көрді», - дейді Сатылған Бекмағамбетовтің баласы Мақсұт Исмағұлов.

Сонымен берге облыстық мәслихат хатшысы Амангелді Нугманов соғыс ардагері Михаил Диденконы да құттықтады.

Ардагер тұратын көпқабатты үйдің алдында әскери оркестр соғыс жылдарындағы әндерді орындады. Михаил Диденко өз ризашылығын білдірді.


Біздің каналымызға жазылыңыз:

Бөлісіңіз:

Автор:

Алтынай Сағындықова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT