+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Ақтөбелік өнертапқыш тауарларын өткізе алмай жүр

2019 жылғы 8 желтоқсан 16:28
Бөлісіңіз:
Ақтөбелік өнертапқыш тауарларын өткізе алмай жүр

АҚТӨБЕ. ҚазАқпарат – Ақтөбе қаласының тұрғыны Асқар Қалдыбаев мүгедектерге, науқастарға арналған жиһаз бен оңалту құрылғыларын жасайды. Өнертаптыш 8 патент алғанымен, тауар сатуда қиындыққа тап болды, деп хабарлайды ҚазАқпарат тілшісі.

Ұқсас жаңалықтар
Елордада жаңа Қаулы: Демалыс күндері ойын-сауық орталықтары істемейді Алматыда Мәслихат депутаттарына құжат пен төсбелгілер тапсырылды Түркістан облысы бизнес жүргізуден көш бастап тұр

2015 жылы жаңа іс бастаған ІІІ топ мүгедегі Асқар Қалдыбаев мүмкіндігі шектеулі жандарға арналған оңалту құрылғыларын, үстелдер мен емдеу мекемелеріне қажетті жиһаздар шығара бастады. Бір өзі ыңғайлы заттардың бәріне құжат жинап, патенттеп алған. Алғашында кәсіпкер емдеу мекемелеріне тауарын таныстырып, тапсырыстар алды, кейін жұмыс мүлде жүрмей қалған.

«Кәсіпті жандандыру үшін біз несие алып, пәтерімізді кепілге қойған болатынбыз. Бірақ біздің ісіміз алға баспай, баспанамыздан айырылып қалдық. Қоймада зат дайын, сатылмайды. Өзім Ауған соғысының ардагерімін, әйелім де мүгедек. Өзге қалалардан тапсырыс болғанымен оны жеткізу қиын. Біз шығаратын тауардың бәрі мүгедектердің қимыл-қозғалысына ыңғайлы, төсек тартып жатқан науқастарға тиімді. Бірақ өзім ойлап тапқан дүниелер қазір шаң басып, қоймада жатыр», - деді Асқар Қалдыбаев.

Қазіргі кезде денсаулық сақтау мекемелері өздеріне қажетті жиһазды түгендеп жатыр. Жыл соңында үнемделген қаржы есебінен тапсырыс береді.

«Кәсіпкер медициналық жиһаз, мүмкіндігі шектеулі балаларға арналған түрлі заттар шығарады. 2015-2019 жылдар арасында мұндай тауарды сатып алуға 37 миллион теңгеден астам қаржы жұмсалды. Кәсіпкер қолдау көрсету мақсатында бізге жолығып, ұсынысын айтты. Қазір емдеу мекемелеріне хабар беріп, олардың сұранысын зерделеп жатырмыз. Аудандық, қалалық ауруханада 1 миллион теңгенің жиһазына сұраныс бар. Үнемделген қаржы есебінен биыл аламыз. Келер жылы да тапсырыс беріледі», - деді облыстық денсаулық сақтау басқармасының басшысы Әсет Қалиев.

Біздің каналымызға жазылыңыз:

Бөлісіңіз:

Автор:

Алтынай Сағындықова

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT