+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Ақтөбелік оқушы Түркиядан жеңіспен оралды

2019 жылғы 12 қараша 00:11
Бөлісіңіз:
Ақтөбелік оқушы Түркиядан жеңіспен оралды

АҚТӨБЕ. ҚазАқпарат - Ақтөбе қаласындағы Назарбаев зияткерлік мектебінің 9-сынып оқушысы Санжар Хамит Анталияда өткен халықаралық пән олимпиадасының жеңімпазы атанды, деп хабарлайды ҚазАқпарат тілшісі.

Санжар Хамит география пәнінен І орын, ағылшын тілінен ІІІ орынды иеленді. «Санжар Хамит 7 сыныпта оқып жүргенде ағылшын тілін жетік білетінін байқаған болатынмын. Содан оны мектеп олимпиадасына дайындалуға шақырдым. Ол бірінші орынға ие болды және жеңіс жолы осылай басталды», – деді зияткерлік мектептің ағылшын тілі мұғалімі Жанна Бакиршинова. Түркияда өткен олимпиада екі бөлімнен тұрды. Олар тестілеу және пән мен туризм бойынша практикалық кезең. Санжар Хамит география олимпиадасының 160 қатысушысының ішінен оза шықты. «Олимпиадалардың арқасында өзін-өзі дамытуға деген қызығушылық пайда болды. Анталиядағы жеңістен кейін мен өзімді әртүрлі бағытта сынап көргенім бекер емес екенін түсіндім. Енді жаңа белестерді бағындыруға тырысамын», – деді 9 сынып оқушысы С. Хамит. Олимпиадаға жалпы білім беретін мектептердің бастауыш, орта және жоғарғы сынып оқушылары, Түркиядан, Ресей Федерациясынан және басқа ТМД елдерінен келген орта кәсіптік білім беру орындарының студенттері қатысты.

Біздің каналымызға жазылыңыз:

Бөлісіңіз:

Автор:

Алтынай Сағындықова

Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT