Қолданушы баптаулары
Қолданушы баптаулары
+7 (701) 759 90 19 Лента
USD 386.34 EUR 427.25
RUB 5.88 CNY 54.57
Jańalyqtar

Ақтөбеге Арыстан 200 бала жазғы лагерьге келді

2019 жылғы 16 шілде 15:17 321
Бөлісіңіз:
Ақтөбеге Арыстан 200 бала жазғы лагерьге келді

АҚТӨБЕ. ҚазАқпарат - Ақтөбе қаласының жазғы лагері Арыстан келген 200 баланы қабылдады, деп хабарлайды ҚазАқпарат тілшісі.

Арыс балалары 15 шілде мен 3 қыркүйек аралығында Ақтөбе қаласындағы «Шұғыла» балаларды сауықтыру лагерінде тынығады. Екі ауысымда әр бала 12 күн демалады. 

«Балалар шығармашылықпен айналысып, спорттық шараларға, музыкалық, интеллектуалдық сайыстарға қатысады.
Арыстық балалардың демалысын ұйымдастырудың басты мақсаты – төтенше жағдайды ұмыттыру әрі психологиялық көмек көрсету. Лагерьде балалардың демалуына барлық жағдай жасалған. Олардың ойнауына арналған арнайы алаңдар, бөлмелер жабдықталған, демалушылар ойын-сауық құралдарымен толық қамтамасыз етілген. Демалысты ұйымдастыру, оның ішінде балаларды Түркістан облысынан лагерьге дейін жеткізу және кері апару, тамақтану, жатын орын шығындары қабылдаушы жақтың есебінен болды. Облыстық білім басқармасы балалардың өмір қауіпсіздігін қамтамасыз ету үшін қажетті шара қабылдады», - деп хабарлады облыстық білім басқармасының баспасөз қызметі.
Айта кетейік, балалар 6 мезгіл тамақтанады. Созылмалы дерті бар демалушы балаларға қосымша диагностика жасалып, ем-дом жасалады. Сонымен қатар лагерь бағдарламасы бойынша балалар үшін Ақтөбе қаласының көрікті жерлерімен танысу, мұражай, мәдени орындар және саябақтарға экскурсия ұйымдастырылады.


Біздің каналымызға жазылыңыз:

Бөлісіңіз:

Автор:

Алтынай Сағындықова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT