Ақтөбедегі субұрқақтардың тең жартысы істемей тұр

АҚТӨБЕ. ҚазАқпарат - Ақтөбедегі 22 субұрқақтың тек 11-і ғана жұмыс істеп тұр, деп хабарлайды ҚазАқпарат тілшісі.

Жергілікті әкімдік бұл жағдайды жөндеу жұмыстарына конкурстың өтуімен байланастыруда.

«Қалада орналасқан 22 субұрқақтың тек 11-і ғана жұмыс істеп тұр. Жуырда бір субұрқақ қолданысқа беріледі. Қалған он фонтанды жөндеу керек. Сондықтан қалалық тұрғын үй - коммуналдық шаруашылық бөлімі жөндеу жұмыстарын жүргізуге байқау жариялады. Барлық жөндеу жұмыстары біткен соң субұрқақтар іске қосылады», - деді қала әкімінің баспасөз қызметі.

Айта кетейік, биыл субұрқақтарды жөндеуге бюджеттен 20 миллион теңге қарастырылған.