+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Ақтөбедегі оқушы қыздар төбелесі: Қылмыстық іс қозғалды

2020 жылғы 22 қыркүйек 12:54
Бөлісіңіз:
Ақтөбедегі оқушы қыздар төбелесі: Қылмыстық іс қозғалды

АҚТӨБЕ. ҚазАқпарат – Кеңқияқ пен Шұбарши ауылындағы оқушы қыздар төбелесіне қатысты тергеу басталып, қылмыстық іс қозғалды, деп хабарлайды ҚазАқпарат тілшісі.

Айта кетейік, кеше Ақтөбе облысы Темір ауданы Шұбарши ауылында мектеп оқушылары төбелесті. Олардың кім екені анықталған. Бәрі - 8-9 сынып оқушылары.

Араларында жанжал болып, бірі оны телефон камерасына түсіріп алған.

«Мектеп оқушыларының бірі 8-сынып оқушысын ұрып-соққан. Оқиға орнында болған қатарластары оны ұялы телефон камерасына түсіріп алған. Аталған факті негізінде Қылмыстық кодекстің 293-бабы 2-бөлігі, яғни, бұзақылық дерегі бойынша іс тіркеліп, сотқа дейінгі тергеу жүргізіліп жатыр. Бұл фактіні Темір аудандық полиция бөлімінің кәмелетке толмағандар ісі жөніндегі инспекторлары анықтады», - деп хабарлады облыстық ПД баспасөз қызметі.

Қазіргі уақытта кәмелетке толмағандардың ата-аналарын балаларды тиісінше тәрбиелемегені үшін жауапқа тарту жайы қаралып жатыр.

«Ата-аналарды балаларын, әсіресе жасөспірімдерді тәрбиелеу мәселесіне жауапкершілікпен қарауға шақырамыз. Олар жасаған құқық бұзушылықтары үшін жауапқа тартылатынын білуі тиіс. Сонымен қатар, кәмелетке толмағандар ісі жөніндегі инспекторлар ауданның оқу орындарында профилактикалық әңгіме жүргізді», - деп түсіндірді Ақтөбе облысы ПД бастығы Атығай Арыстанов.


Біздің каналымызға жазылыңыз:

Бөлісіңіз:

Автор:

Алтынай Сағындықова

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT