Қолданушы баптаулары
Қолданушы баптаулары
+7 (701) 759 90 19 Лента
USD 379.36 EUR 424.47
RUB 5.88 CNY 54.95
Jańalyqtar

Ақтөбедегі автобус өрті: Өзбекстандықтардың ата-анасы балалары қаза болды дегенге сенбейді

2018 жылғы 3 қыркүйек 12:07 586
Бөлісіңіз:
Ақтөбедегі автобус өрті: Өзбекстандықтардың ата-анасы балалары қаза болды дегенге сенбейді

  АҚТӨБЕ. ҚазАқпарат - Ақтөбе облыстық қылмыстық істер жөніндегі мамандандырылған ауданаралық сотында автобус өртіне қатысты сот отырысы басталды, деп хабарлайды ҚазАқпарат тілшісі.

Ұқсас жаңалықтар
Петропавлда дауыл салдарынан саяжайдағы өртті сөндіру мүмкін болмай отыр Атыраудағы химиялық зауыт аумағынан өрт шықты

Ақтөбеде автобус өртеніп, 52 Өзбекстан азаматы қаза тапқан болатын. Бұған дейін хабарлағанымыздай, сот алды отырысы ауданда өтіп, негізгі талқылау облыс орталығына ауыстырылды.  

Бүгін басты сот отырысына қаза болған өзбекстандықтардың ата-аналары келді. Олар қазақ тілін түсінбейтінін айтып, елшіліктен аудармашы жіберуді сұраған.


Ақтөбедегі автобус өрті: Өзбекстандықтардың ата-анасы балалары қаза болды дегенге сенбейді «Балам Адхамжан Маруфжонов пен немерем Авазбек Маруфжонов үшін сотқа келдім. Біз балаларымыздың бәрі тірі деп есептейміз. Себебі, менің немеремнің телефон нөмірі өшкен жоқ, әлі байланыс аясында тұр. Біз қазақ тілін білмейміз, сондықтан аудармашы сұраймыз. Қорғаушы да жалдамадық, біздің қорғаушымыз - Алла. Барлығы 11 адам келді. Бәрі баласын жоғалтқан»,- деді жәбірленуші Юлдузджон Ғаниева.


Айта кетейік, жәбірленушілер мен айыпталушылар БАҚ өкілдерінің сотқа қатысуына еш қарсылық көрсетпеді. Қазір сот отырысы жалғасып жатыр.

 

 

Біздің каналымызға жазылыңыз:

Бөлісіңіз:

Автор:

Алтынай Сағындықова

Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT