12:03, 15 Қазан 2019 | GMT +6
Ақтөбеде жылқы кәріз құдығына түсіп кетті
АҚТӨБЕ. ҚазАқпарат - Ақтөбеде құтқарушылар кәріз құдығына түсіп кеткен жылқыны алып шықты, деп хабарлайды ҚазАқпарат тілшісі.
«14 қазан күні сағат 20:05-те Ақжар ауылының Құмжол бау-бақша ұжымы маңында кәріз құдығына жылқы түсіп кетті. Оқиға орнына 6 адам 2 техника жіберілді. Құтқарушылар құдыққа түскен жылқыны шығарып алды», - деп хабарлады облыстық ТДЖ баспасөз қызметі. Оқиға орнында өрт сөндіру қызметі мен авариялық-құтқару жасағы жұмыс істеді. Жылқының иесі белгісіз.