Ақтөбеде журналистер мінген автобус аударылып қалды

None
None
АҚТӨБЕ. ҚазАқпарат - Самара - Шымкент тасжолында тілшілер мінген микроавтобус аударылып қалды, деп хабарлайды ҚазАқпарат тілшісі.

Ішкі істер министрлігінің ақпараттық порталының хабарлауынша, оқиға бүгін сағат 09:30-да Самара - Шымкент тасжолының 1024 шақырымында, яғни Әйтеке би ауданының Ұлғайсын ауылы маңында болған.

«Бізде екі адам бақылауға алынды. Журналистің жағдайы орташа ауыр. Жабық бас-ми жарақаты, кеуде тұсы зақымданған. Таңертеңге дейін бақылауда болады. Ал жүргізушіге санавиация шақырылды», - деп хабарлады Хромтау аудандық ауруханасынан.

Айта кетейік, тілшілер Ырғыз және Шалқар ауданы әкімдерінің есеп беру шарасына қатысу үшін бүгін жолға шаққан болатын. Олардың арасында жергілікті және республикалық БАҚ өкілдері бар.


Соңғы жаңалықтар