Қолданушы баптаулары
Қолданушы баптаулары
+7 (701) 759 90 19 Лента
USD 379.36 EUR 424.47
RUB 5.88 CNY 54.95
Jańalyqtar

Ақтөбеде жүкті болған әйел көз жұмды

2019 жылғы 18 қаңтар 00:44 825
Бөлісіңіз:
Ақтөбеде жүкті болған әйел көз жұмды

АҚТӨБЕ. ҚазАқпарат -Ақтөбеде 26 жастағы Инна Пилич көз жұмды. Екі апта бойы жансақтау бөлімінде жатқан науқастың өлімі тексеріліп жатыр, деп хабарлайды ҚазАқпарат тілшісі.

Екі баланың анасы Инна Пилич үшінші жүктілігі кезінде қатты науқастанып, жедел жәрдем шақырды. Алдымен 5 желтоқсан күні басы ауырып, жүрегі айнып, құсып жүрген науқасқа жедел жәрдем дәрігерлері емханаға баруға кеңес береді.

«8 желтоқсан күні басы ауырып, құсқан соң жедел жәрдемді тағы шақырдық. Жүктілігі 5-7 апта болды. Екінші шақыруда жағдайы нашарлай берген соң ауруханаға жатқызып, гинекология бөлімінде ем қабылдады. Ауруханада да ештеңе көмектеспеген соң жүктілікті тоқтатуға шешім қабылдадық. 12 желтоқсан күні ота жасалды. Аяғынан әрең тұратын адамды ауруханадан шығаруға келісім берді. Шарасыздықтан біз 13 желтоқсанда облыстық денсаулық сақтау басқармасына барып, өзіміздің жағдай туралы айттық. Үйге келген кезде басқармадан телефон шалып, қайта ауыруханаға жатыңыздар деді. Келесі күні ауыруханаға жаттық», - деді көз жұмған Иринаның әпкесі Татьяна Пилич.

Науқастың жағдайы 18 желтоқсан күні күрт нашарлап, есінен айырылды. Жансақтау бөліміне түскен соң түрлі анализ жасалып, тексеру басталды. Алғашында науқасқа Мальформациа Арнольда - Киари диазнозы қойылып, ем қабылдады, ал қайтыс болған соң менингоэнцефалит деп жазылды.

«Сіңлімнің менингоэнцефалитке шалдыққанын мәйітханада айтты. Бәрі дәрігерлердің салғырттығынан деп білемін. Облыстық прокуратура, денсаулық сақтау басқармасына шағым түсірдік», - деді Татьяна Пилич.

Қазір келіншектің өліміне байланысты облыстық қоғамдық денсаулық сақтау басқармасы тексеру жүргізіп жатыр.

«Науқас гинекология бөлімінде ем қабылдады. Жүктілік кезінде созылмады аурулар қозып, күшейетіні белгілі. Қазір ештеңе айта алмаймыз. Гистология нәтижесінен соң нақты себебі анықталады. Ауруханада оған ем жан-жақты жүргізілді», - деді Ақтөбе облыстық медицина орталығының бөлім басшысы Замза Хайруллина.

 

 

Біздің каналымызға жазылыңыз:

Басты сөздер: Ақтөбе облысы, Оқиға,
Бөлісіңіз:

Автор:

Алтынай Сағындықова

Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
MURAǴAT