Ақтөбеде жолаушы толы автобус жолда бұзылып қалды

АҚТӨБЕ. ҚазАқпарат - Самара - Шымкент тасжолында Өзбекстан азаматтары мінген автобус бұзылып қалды, деп хабарлайды ҚазАқпарат тілшісі.

Самара - Шымкент тасжолының Хромтау ауданы маңында «Сетра» маркалы автобусы бұзылып қалды. Барлығы 53 жолаушысы бар.

«Автобус Сарығаштан Ресейдің Краснодар қаласына бағыт алған. Жолаушылардың бесеуі әйел. Төтенше жағдайлар қызметі көмек көрсетіп, оларды »Аманат« кемпингіне жеткізді. Оларға өрт қауіпсіздігі ережесі түсіндірілді. Қазіргі уақытта жүргізушілер автобусты жөндеп жатыр. Ал жолаушылар үшін Ақтөбе қаласынан арнайы автобус жіберілді», - деп хабарлады облыстық ТЖД баспасөз қызметі.