USD 434.24 EUR 492.69
RUB 5.67 CNY 68.46
Jańalyqtar

Ақтөбеде жетім балалар мен аз қамтылған отбасылар баспаналы болды

2021 жылғы 30 қараша 18:17
Бөлісіңіз:
Ақтөбеде жетім балалар мен аз қамтылған отбасылар баспаналы болды

АҚТӨБЕ. ҚазАқпарат – Ақтөбеде 30 отбасы баспаналы болды. Олар 2007-2008 жылдары пәтер кезегіне тұрған, деп хабарлайды ҚазАқпарат тілшісі.

Ұқсас жаңалықтар
Қызылорда қаласында халықты баспанамен қамту көрсеткіші жақсарды Ақтөбеде төтенше жағдайлар қызметі 33 адамды құтқарды Ақтөбеде жастарға қайтарымсыз грант беру жалғасады

Тұңғыш Президент күні қарсаңында 30 аз қамтылған отбасы мен жетім балаларға Нұр-Ақтөбе тұрғын үй алабында салынған үйден жаңа пәтердің кілті берілді. Салтанатты шараға облыс әкімі Оңдасын Оразалин қатысты.

Облыс әкімі ақтөбеліктерді келе жатқан мерекелерімен құттықтап, жаңа қоныс иелерінің үйлеріне татулық пен молшылық тіледі.
«Тәуелсіздіктің алғашқы жылдары қиындықтар аз болған жоқ. Біз оларды Елбасының көреген саясатының, оның халыққа деген сенімі мен еңбекқорлығының арқасында жеңе алдық. Экономика нығайып, инвестиция келді, кәсіпкерлік дамыды және әлеуметтік проблемаларды шешуге мүмкіндік пайда болды. Қазіргі таңда Ақтөбеде 24 мың жерлесіміз үй кезегінде тұр. Мемлекет басшысының тапсырмасымен халықтың әл ауқатын көтеру және оларды баспанамен қамту шаралары қабылдануда. Биыл облыста 1 млн-нан астам шаршы метр пайдалануға берілді. Бүгін осы үй пайдалануға беріліп отыр. Оның отыз пәтері кезекте тұрғандарға тигені қуантады. Жыл соңына дейін Ақтөбе мен облыс аудандарында тағы да осындай үйлер беріледі», - деді облыс әкімі Оңдасын Оразалин.
Баспана кезегінде тұрған Ұлмекен Аққасанова үш бөлмелі пәтерге ие болды.
«Біздің төрт баламыз бар, үлкенім 18-де, кенжеміз 8-де. Бұған дейін жалдамалы пәтерде тұрдық, туыстарымызды паналадық. Оңай болған жоқ, енді өзіміздің баспанамыз бар»,- дейді ол.
Айта кетейік, бұл үйде 159 пәтер бар. Оның 30 пәтері жетім балаларға болса, 129-ы халықтың әлеуметтік осал тобына тиесілі.

«Жалдамалы пәтер өте ыңғайлы. Талап бойынша шаршы метріне ай сайын 100 теңге төлейді. Орта есеппен айына 5 мың теңге шығады. Сонымен бірге коммуналдық шығыны бар», - деді Ақтөбе қалалық тұрғын үй қатынастары бөлімінің басшысы Жандос Әлімов.


Біздің каналымызға жазылыңыз:

Бөлісіңіз:

Автор:

Алтынай Сағындықова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Үмбет Шолпан
Үмбет Шолпан
954-059
REDAKTOR
Жанат Қапалбаева
Жанат Қапалбаева
954-059

MURAǴAT