11:15, 28 Наурыз 2019 | GMT +6
Ақтөбеде жеңіл көлік тепловозбен соқтығысып, жүргізуші көз жұмды
АҚТӨБЕ. ҚазАқпарат - Ақтөбеде жеңіл көлік тепловозбен соқтығысты. Көлік жүргізушісі көз жұмды, деп хабарлайды ҚазАқпарат тілшісі.
«28 наурыз күні сағат 06:00-де «Ақтөбе - Орынбор» тасжолындағы теміржол өткелінде жол-көлік оқиғасы тіркелді. «Нива Шевроле» автокөлігі тепловозбен соқтығысты. Жол-көлік оқиғасында көлік жүргізушісі көз жұмды», - деп хабарлады облыстық ПД баспасөз қызметі.
Ал жолаушы дене жарақатымен ауруханаға түсті. Қазір осы оқиғаға қатысты соталды тергеу басталып, сараптама тағайындалды.