+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Ақтөбеде жедел жәрдем шақыру уақыты қысқарды

2019 жылғы 28 қараша 23:33
Бөлісіңіз:
Ақтөбеде жедел жәрдем шақыру уақыты қысқарды

АҚТӨБЕ. ҚазАқпарат – Жедел жәрдем қызметі он айдағы жұмысын қорытындылады. Дәрігер, фельдшерлер біліктілігін арттырып, биыл 46 адам реанимобильдегі аппараттардың көмегімен құтқарылды, деп хабарлайды ҚазАқпарат тілшісі.

Ұқсас жаңалықтар
СҚО-да биыл 2,4 млрд теңгеге жаңа медициналық қондырғы алынады Министрлік медициналық сақтандыруға қатысты фейк ақпаратқа сенбеуге шақырды Қытайдағы дәстүрлі қазақ медицинасы үлкен сұранысқа ие: қазақы етікпен емдеу, киіз үй үлгісіндегі тігіс

Ақтөбе облысындағы жедел жәрдем қызметіне жаңа технологияларды енгізу үшін елімізде алғаш боп мемлекеттік-жекешелік басқаруға берілді. Түрік компаниясы реанимобиль жеткізіп, әр бригадаға планшет таратты. Қазір шақырулардың бәрі электонды түрде қабылданып, науқастың анкетасы толтырылады.

«Жедел жәрдем қызметінің сапасын арттыру үшін аудандардағы шақырулардың бәрі облыс орталығына түсіп жатыр. Қаладағы емханалар мен аудандық ауруханаларда тәулік бойы кезекшілік қойылды. Төртінші категорияға, яғни, созылмалы ауруға шалдыққан науқастарға көмекті учаскелік дәрігер көрсетеді. Ал жедел жәрдем орталығында 8 диспетчер үздіксіз шақыру қабылдап отыр. GPS-навигация барлық көлікке қондырылған. Біз орталықтан көліктердің қайда барғанын анық бақылай аламыз. Тәулігіне 36 бригада қызмет көрсетеді. Оның құрамында 18 дәрігер мен 18 фельдшер бар», - деді Жедел жәрдем қызметі орталығының бас дәрігері Марат Жанқұлов.

Емдеу құралдарының арасында электрокардиографамма, кардиомонитор, дефибриллятор, жасанды тыныс алдыру аппараты мен небулайзер бар. Биыл медицина қызметкерлері халықаралық стандарт бойынша жүрек-өкпеге реанимация жасау біліктілігін арттырды. Қараша айында диспетчерлердің жұмысы тиянақталды. Сонымен қатар, көлік жүргізушілері жолдағы қауіпсіздіктің меңгерді.

«Шақыруға жедел жетуге, егер науқастың өмірі қыл үстінде болса телефон арқылы үздіксіз кеңес беруге мән береміз. Телефон арқылы кеңес беріп, жедел жәрдем жеткенше 2-3 адамды құтқарып қалдық. Сонымен қатар, заманауи жабдықтары бар реанимобиль 46 адамның өмірін сақтауға мүмкіндік берді. Ондағы медициналық құрылғылар жол апаты, жүрек, қан қысымы ауруына шалдыққандарға қажетті алғашқы көмек көрсетуге мүмкіндік береді», - деді Марат Жанқұлов.

Айта кетейік, облыста тәулігіне жедел жәрдем бригадасына 800-ге жуық қоңырау түседі.

Біздің каналымызға жазылыңыз:

Басты сөздер: Ақтөбе облысы, Медицина,
Бөлісіңіз:

Автор:

Алтынай Сағындықова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанат Қапалбаева
Жанат Қапалбаева
954-059

MURAǴAT