USD 435.1 EUR 493.27
RUB 5.69 CNY 68.63
Jańalyqtar

Ақтөбеде жаяу жүргіншіні қағып кеткен жүргізуші оқиға орнынан қашып кетті

2021 жылғы 7 желтоқсан 20:06
Бөлісіңіз:
Ақтөбеде жаяу жүргіншіні қағып кеткен жүргізуші оқиға орнынан қашып кетті

АҚТӨБЕ. ҚазАқпарат – Ақтөбеде 24 жастағы жаяу жүргіншіні көлік қағып кетті. Ол ауруханаға жатқызылды, деп хабарлайды ҚазАқпарат тілшісі.

Ұқсас жаңалықтар
Шу тұрғынының сарайынан ірі көлемде есірткі табылды Елордада Шу ауданындағы «Nur Otan» ғимаратын өртеуге қатысқан күдікті ұсталды Шымкенттік полицейлерге 63 қызметтік автокөлік берілді

Оқиға 6 желтоқсан күні Ақтөбе қаласында болды. «ВАЗ-21099» автокөлігінің жүргізушісі Мәншүк Мәметова көшесінде 24 жастағы жаяу жүргіншіні қағып кеткен.

«Жол апатынан кейін көлік жүргізушісі белгісіз бағытқа қашып кеткен. Полиция қызметкерлері жедел-іздестіру шараларын жүргізу барысында 32 жастағы жүргізушіні ұстады.

Медициналық сараптама қорытындысына сүйенсек, жүргізуші көлікті жеңіл дәрежедегі мас күйінде басқарған. Жол-көлік оқиғасы салдарынан жаяу жүргінші Ақтөбе қалалық жедел жәрдем ауруханасына жатқызылды», - деді облыстық Полиция департаменті баспасөз қызметінің жетекшісі Ерболат Сарқұлов.

Оқиғаға қатысты Қылмыстық кодекстің «Алкогольдік, есірткілік және (немесе) уытқұмарлық масаң күйде көлік құралдарын басқаратын адамдардың жол жүрісі немесе көлік құралдарын пайдалану қағидаларын бұзуы» бабы бойынша сотқа дейінгі тергеу жүргізіліп жатыр.

Айта кетейік, таяуда ғана Ақтөбеде жүргіншілер жолағынан өтіп бара жатқан 10-сынып оқушысын көлік қағып кетті. Ол оқиға орнында көз жұмды.


Біздің каналымызға жазылыңыз:

Бөлісіңіз:

Автор:

Алтынай Сағындықова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT