+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Ақтөбеде жас кәсіпкерлерге қайтарымсыз грант берілді

2020 жылғы 17 қыркүйек 04:27
Бөлісіңіз:
Ақтөбеде жас кәсіпкерлерге қайтарымсыз грант берілді

АҚТӨБЕ. ҚазАқпарат - Ақтөбеде «Арманыңа қол жеткіз» атты жас кәсіпкерлерді қолдауға арналған жобаның нәтижесі қорытындыланды. 16 жас кәсіпкер қайтарымсыз грант ұтып алды, деп хабарлайды ҚазАқпарат тілшісі.

Ұқсас жаңалықтар
Кәсіпкерлер жалдау төлемін тоқтата тұруға өтінім бере алады Сарыағаш ауданында мемлекеттік бағдарламамен кәсібін бастаған тұрғындар қатары көбейді Алматының ірі сауда орталықтарында жалдау ақысы арзандады

Ақтөбе облысының әкімі Оңдасын Оразалин жоба жеңімпаздарымен кездесіп, болашақ кәсіпкерлердің бастамаларына сәттілік тіледі.

«Әлемдік нарықта үлкен жетістіктерге жеткен іскер азаматтардың көбісі өздеріңдей жас күнінде және өте қарапайым жағдайда өз істерін бастаған. Стив Джобс, Билл Гейтс, Марк Цукерберг, Джек Ма, барлығы да шағын ғана істен бастап, соны дамыта келе үлкен нәтижеге жеткен жандар. Өзіміздің жерлестерімізді алсақ та, үлкен шаруаларды дөңгелетіп отырған кәсіпкер азаматтарымыз жетерлік. Жастардың қуаты-білімі мен білігінде. Осындай мүмкіндікті пайдаланып, уақыттарыңызды ізденісте болуға, шеберліктеріңізді шыңдауға тиімді пайдалану керек. Себебі, бизнес әлемі де үлкен ғылым. Түрлі заңдылықтары бар. Білімдеріңізді неғұрлым тез, әрі толық игерсеңіздер, соғұрлым сіздердің істеріңіз нәтижелі болып, елге, жерге пайда келтіресіздер»,- деді өңір басшысы О.Оразалин.


Алғаш рет ұйымдастырылған жобаға қала, аудандардан 78 өтініш түскен. Менторлар мен кәсіпкерлер, депутататтардан құралған комиссия мүшелері «Ауылды көркейту», «Мәдениет және бос уақытты тиімді пайдалану», «Отбасылық құндылықтар және дәстүр», «Білім беру кіші жобалары», «Салауатты өмір салтын дамыту», «Экология және абаттандыру» , «Туризм» бағыттары бойынша ең озық әрі сұранысқа ие 16 жобаны мақұлдады. Нәтижесінде Ақтөбе қаласынан-5, Байғанин ауданынан-4, Хромтау-2, Қобда-1, Мұғалжар-1, Әйтеке би-1, Темір-1, Мәртөк ауданынан-1 қатысушыға 1 - 2 млн теңге аралығында қаржылай сертификат табысталды. Жобалар арасында ұлттық нақышта дәстүрлі бұйым өндіру, мал шаруашылығын дамыту, мүмкіндігі шектеулі балаларға ақысыз қызмет көрсету, энергетикалық сусындар өндіру, «Эко-бұйымдар» өнімін шығару, ішкі туризмді дамытып, өңіріміздің киелі жерлеріне туристтік маршрут ұйымдастыру сынды жобалар озық деп танылған.


Біздің каналымызға жазылыңыз:

Бөлісіңіз:

Автор:

Алтынай Сағындықова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT