USD 435.1 EUR 493.27
RUB 5.69 CNY 68.63
Jańalyqtar

Ақтөбеде зейнеткерлер мен мүгедектер қоғамдық көлікте 40 теңгемен жүреді

2021 жылғы 3 желтоқсан 19:44
Бөлісіңіз:
Ақтөбеде зейнеткерлер мен мүгедектер қоғамдық көлікте 40 теңгемен жүреді

АҚТӨБЕ. ҚазАқпарат – Ақтөбеде қоғамдық көлік субсидияланды. Енді зейнеткерлер мен мүгедектер қоғамдық көлікте 40 теңгемен жүреді, деп хабарлайды ҚазАқпарат тілшісі.

Ұқсас жаңалықтар
Ақтөбеде жаңа индустриялық аймақ құрылады Қарағанды қаласында екі күн ішінде 60-тан астам зейнеткер ревакцина салдырды Қызылорда облысында жолаушылар тасымалы қайта жанданды

Ақтөбе облысында қоғамдық көліктерді субсидиялау жұмысы 2015-2016 жылдары тоқтатылды. Содан бері тасымалдаушыларға ешқандай ақы төленбеді.

«Бес жылда автопарктердің тозығы жетті, дамыту қиындады. Қазір жаңа автобустар келіп жатыр. Субсидия бөлу арқылы ара қашықты сақтау, автобусты жаңарту талаптары қойылады. Шағым бар. Оны мойындаймыз. Нұр-Ақтөбе тұрғын үй алабына қосымша автобус шығару керек. №18, 28 бағыттағы автобустар қайта қалпына келтіріледі. Жалпы әлеуметтік маңызы бар 29 маршурт бекітіледі. Және де 7 санат бойынша субсидиялау көзделген. ҰОС ардагерлері, оларға теңестірілгендер, І топ мүгедектері тегін жүреді. Ал зейнеткерлер, ІІ және ІІІ топтағы мүгедектер ақының 50% төлейді. Бұрын 60 теңге болса, енді 40 теңге», - деді Ақтөбе қаласының әкімі Асхат Шахаров.

Айта кетейік, Ақтөбе қаласында үш тасымалдаушы бар. Олар: «Qala Trans» ЖШС, «Автопарк» ЖШС, «Ақтөбе қаласының жолаушылар автокөлік кәсіпорыны». Күніне қоғамдық көлік қызметін 130-140 мың адам пайдаланады.

«Ақтөбеде қоғамдық көлік билеті электронды жүйеге аударылған. Біз тек автобус қызметін пайдаланған адамдардың жолақысын субсидиялаймыз. Қазіргі кезде субсидияға 1,3 млрд теңге қарастырылды. Оның 420 млн теңгеге жуығы осы жылдың соңына дейін жетеді деп ойлап отырмыз. Субсидиялау тәртібі өзгерді, 3 жылдық бюджетті бекіткенде тағы өседі», - деді Асхат Шахаров.


Біздің каналымызға жазылыңыз:

Бөлісіңіз:

Автор:

Алтынай Сағындықова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT