+7 (701) 759 90 19
USD 447.60 EUR 489.41
RUB 5.71 CNY 63.05
Jańalyqtar

Ақтөбеде волонтер мемқызметшілер қарттар үйінің тұрғындарына көмектесті

2020 жылғы 25 ақпан 15:57
Бөлісіңіз:
Ақтөбеде волонтер мемқызметшілер қарттар үйінің тұрғындарына көмектесті

АҚТӨБЕ. ҚазАқпарат – Мемлекеттік қызметшілер Алғыс айту күні қарсаңында Қарттар мен мүгедектер интернат үйіне барды, деп хабарлайды ҚазАқпарат тілшісі.

Ұқсас жаңалықтар
Өскемен мен Семейде жасы 70-тен асқан қарттардың үйіне азық-түлік жеткізіледі Атырауда волонтерлер штабы 5 бағытты қамтиды Жамбылдық еріктілер 10 мың масканы тегін таратты

Елімізде Мемлекеттік қызмет істері агенттігі Волонтер жылы аясында Мемлекет басшысының корпоративтік еріктілікті дамыту бастамасын қолдап, бірқатар жұмысты қолға алды. Ақтөбе облыстық мемлекеттік қызмет істері департаменті бұл істен шет қалмады. Бүгін мемлекеттік қызметшілер әлеуметтік қызмет көрсету орталығына барып, тұрғындарға кеңес берді, құқықтық көмек көрсетті. Алғыс айту күні қарсаңында заңгерлер, дәрігерлер, Халыққа қызмет көрсету орталығының мамандары барды.

«Әділет департаменті, денсаулық сақтау басқармасы, Мемлекеттік басқару академиясының облыстық филиалы және «Азаматтарға арналған үкімет» МК басшылығына қолдау көрсеткені үшін алғыс білдіреміз. Біз қайырымдылық көмекті азық-түлік, киім және тағы да басқа затты сыйлау мен жеткізуге байланыстырамыз. Алайда кеңес беру - құқықтық көмекке мұқтаж азаматтар санаты да бар. Қарапайым сұрақтарға жауап алу үшін белгілі бір мекемеге жета алмайтындар да бар. Біз осы санатты назардан тыс қалдырғымыз келмеді», - деп атап өтті департамент басшысының орынбасары Рафхат Бисенов.

Іс-шара барысында Мемлекеттік басқару академиясы филиалының лекторлары ұрыс-керістің алдын алу, көңіл-күйді басқаруға қатысты тренинг өткізді. Халыққа қызмет көрсету орталығының мамандары зейнетақымен қамсыздандыру, әлеуметтік жеңілдіктер және мүмкіндіктері шектеулі азаматтарға арналған мемлекеттік қызмет саласындағы заңнаманың соңғы өзгерістері туралы ақпарат берді. Заңгерлер мұрагерлік және жылжымайтын мүлікті тіркеу мәселелеріне орай түрлі дауға қатысты құқықтық көмек көрсетті.

Айта кетейік, департамент қызметкерлері орталық жанынан құрылған халық аспаптар ансамбліне 2 домбыра сыйға тартты.

Біздің каналымызға жазылыңыз:

Бөлісіңіз:

Автор:

Алтынай Сағындықова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT