+7 (701) 759 90 19 Лента
USD 385.42 EUR 424.58
RUB 6.00 CNY 54.31
Jańalyqtar

Ақтөбеде тұрғын үй сертификаттары кімге және қандай шарттармен беріледі

2019 жылғы 2 тамыз 17:40
Бөлісіңіз:
Ақтөбеде тұрғын үй сертификаттары кімге және қандай шарттармен беріледі

АҚТӨБЕ. ҚазАқпарат – Ақтөбеде 30 мыңнан астам адам баспана кезегінде тұр. Оның 10 мыңнан астамы «Бақытты отбасы» бағдарламасына қатысуға үміткер, деп хабарлайды ҚазАқпарат тілшісі.

Ұқсас жаңалықтар

Бүгін облыстық мәслихат сессиясында облыс бойынша тұрғын үй сертификаттарының мөлшерін және алушылар санаттарының тізбесін айқындау мәселесі талқыланды. Облыстық энергетика және тұрғын үй коммуналдық шаруашылығы басқармасының басшысы Дастан Амановтың айтуынша, қазір 1 мың пәтер иесін күтіп тұр.


«Сертификат берудің екі түрі бар. Бірі әлеуметтік көмек, екіншісі әлеуметтік қолдау. Әлеуметтік көмек кезінде ақша кері қайтарылмайды. Ал әлеуметтік қолдау кезінде бюджеттік несие беріледі. Әлеуметтік көмек сертификатын беру кезінде алғашқы жарнаның 90 пайызын беру, әлеуметтік қолдау сертификатын беруде алғашқы жарнаның 50 пайызын құю ұсынылып отыр. Соңғысы «Нұрлы жер» және «7-20-25» бағдарламасымен баспаналы болуға мүмкіндік береді. Әр сертификат 1 миллион теңгеден аспайды. «Бақытты отбасы» бағдарламасы бойынша пәтер құны 10 миллион теңге болса, алғашқы жарна - 1 миллион теңге. Мемлекет 900 мың теңге береді, сатып алуға 100 мың теңге қосуы тиіс. Ал «Нұрлы жер» және «7-20-25» бағдарламасымен баспана алу кезінде 10 миллион теңгенің үйін сатып алу үшін 2 миллион теңге керек. Біз 1 миллион теңгеге дейін ғана қаржы бөле аламыз. Сондықтан 50 пайызын мемлекет есебінен беру жоспарланып отыр», - деді Дастан Аманов.

Тұрғын үй сертификаты көпбалалы, толық емес және мүгедек бала асырап отырған отбасыларға беріледі. Сонымен қатар денсаулық сақтау, білім беру, мәдениет, спорт салаларындағы бюджеттiк ұйымдардың қызметкерлері де үміткер бола алады. Сессияға облыс басшысы Оңдасын Оразалин қатысып, баспанамен қамтудың мәселесі басты назарда тұрғынын айтты.



«Облыстағы аз қамтылған және көпбалалы аналардың баспаналы болуына қолдау көрсетіліп келеді. Алдағы уақытта осы жұмыстарды өздеріңізбен бірлесіп жалғастырамыз деген сенімдемін», - деді өңір басшысы.

Айта кетейік, биыл тұрғын үй сертификатын беруге жергілікті бюджеттен 200 миллион теңге қарастырылған. Келер жылы бөлінетін қаржы көлемі артуы мүмкін.






Біздің каналымызға жазылыңыз:

Бөлісіңіз:

Аударма:

Алтынай Сағындықова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT