+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Ақтөбеде теріс діни ағымда жүргендер екі қызды зорлап кетті

2017 жылғы 26 сәуір 13:34
Бөлісіңіз:
Ақтөбеде теріс діни ағымда жүргендер екі қызды зорлап кетті

АҚТӨБЕ. ҚазАқарат - Ақтөбеде жат діннің жетегінде жүрген екі адам пәтерде тұратын екі студентті зорлап кетті. Бұл деректі облыстық Ішкі істер департаментінің криминалдық полиция мен экстремизмге қарсы іс-қимыл басқармасы анықтады, деп хабарлайды ҚазАқпарат тілшісі.

Ақтөбе облыстық ІІД бүгін теріс ағым жетегінде жүргендердің қылмысын әшкереледі. 37 және 35 жастағы екі күдікті ұсталды. Олар бұрын сотталған, жат дінді ұстанады, сондай-ақ олар есірткі қолданған.

«Екі күдікті Ақтөбе қаласы Әбілқайыр хан даңғылы бойындағы пәтерлердің бірін тонаған. Олар құны 300 мың теңгеге бағаланатын заттарды алып кеткен. Кейін 26 және 21 жастағы қыздарды зорлаған. Осы оқиғаға байланысты Ақтөбе қалалық Ішкі істер басқармасы ҚР Қылмыстық кодексінің «Қарақшылық», «Зорлау», «Сексуалдық сипаттағы зорлық-зомбылық әрекеттері» баптары бойынша із қозғады. Полиция қызметкерлері осы ауыр қылмыстың ізін суытпай ашып, қылмыскерді қолға түсірді. Қазір олар қамауға алынды. Көп ұзамай сот алдында жауапкершілікке тартылатын болады. Олар жасаған қылмыстары үшін 5 жылдан 10 жылға дейін бас бостандықтарынан айырылуы мүмкін», - деді облыстық Ішкі істер департаментінің криминалдық полиция мен экстремизмге қарсы іс-қимыл басқармасының басшысы Бауыржан Атабаев.

Айта кетейік, өңірде жат дін жетегінде жүргендердің қылмысқа қатысы бар-жоғы тексеріліп жатыр. Жыл басынан бері дәстүрлі емес дін жетегінде жүрген 19 адамның 25-і қылмысқа қатысы бар екені анықталып отыр. Олардың ұрлық, ұрып тонау, қарақшылық шабуыл жасау, қорғансыз әйелдерді зорлау қылмыстарына қатысы бар.

Біздің каналымызға жазылыңыз:

Бөлісіңіз:

Автор:

Алтынай Сағындықова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT