USD 434.34 EUR 491.93
RUB 5.56 CNY 68.67
Jańalyqtar

Ақтөбеде тергеуші алаяқтығы үшін 4 жылға сотталды

2019 жылғы 21 маусым 14:51
Бөлісіңіз:
Ақтөбеде тергеуші алаяқтығы үшін 4 жылға сотталды

АҚТӨБЕ. ҚазАқпарат - Ақтөбелік тергеуші Аслан Сағандықов алаяқтығы үшін сотталып, жәбірленушіге 850 мың теңге материалдық шығынды төлейтін болды, деп хабарлайды ҚазАқпарат тілшісі.

Елек ішкі істер бөлімінде аға тергеуші болып жұмыс істеген Аслан Сағандықов Қылмыстық кодекстің «Алаяқтық» бабы бойынша айыпты деп танылды.

«Аслан Сағандықов кінәлі деп танылып, оған 4 жылға бас бостандығынан айыру жазасы тағайындалды. Ол өмір бойы мемлекеттік қызметте жұмыс істеу құқығынан айырылсын. Жазасын қылмыстық атқару жүйесінің қауіпсіздігі орташа мекемесінде өтейді», - деді судья Айнұр Бекмұхамбетова. Сонымен қатар, сотташулы А.Сағандықов жәбірленушіге 850 мың теңге, сот шығындары үшін 1 миллион теңгеден астам төлеуі тиіс.

Іс материалына сүйенсек, аға тергеуші Қылмыстық кодекстің «Адам өлтіру» бабы бойынша істі қарап, сотқа жеткізген. Сол аралықта тергеуші айыпталушы тараптан сараптама жасату үшін заңсыз 1 миллион теңге ақша сұраған. Баласының кінәсіз екенін дәлелдемек болған Сазонов сұрағанын беріп, кейін Сыбайлас жемқорлыққа қарсы іс-қимыл ұлттық бюросына шағымданады.

«Сот үкімі әділ емес, заңсыз деп есептеймін», - деді сотталушы Аслан Сағандықов.

Біздің каналымызға жазылыңыз:

Бөлісіңіз:

Автор:

Алтынай Сағындықова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059

MURAǴAT