+7 (701) 759 90 19
USD 430.51 EUR 505.72
RUB 5.51 CNY 64.14
Jańalyqtar

Ақтөбеде сыбайлас жемқорлыққа қатысты қылмыстық іс көбейді

2020 жылғы 30 қыркүйек 21:33
Бөлісіңіз:
Ақтөбеде сыбайлас жемқорлыққа қатысты қылмыстық іс көбейді

АҚТӨБЕ. ҚазАқпарат – Биыл облыстық сыбайлас жемқорлыққа қарсы іс-қимыл департаменті 79 қылмыстық істі тіркесе, оның 61-і сыбайлас жемқорлыққа қатысты, деп хабарлайды ҚазАқпарат тілшісі.

Ұқсас жаңалықтар
Елордада автомектепті аяқтағаны жөнінде жалған куәлік бергендер ісі тергелуде Елорда базарларында саудагерлерден алым-салық жинағандар анықталды СҚО-да жемқорлық жайында хабарлаған үш адамға сыйақы берілді

Сыбайлас жемқорлыққа қарсы іс-қимыл департаментінің басшысы Бауыржан Балғабеков жыл басынан бері атқарылған іс туралы айтып берді. Аталмыш департамент 79 қылмыстық істі тіркесе, оның 61-і сыбайлас жемқорлыққа қатысты.

Тергеу кезінде ауыр және аса ауыр істерді анықтауға басымдық берілген. Былтырғы жылмен салыстырғанда көрсеткіш 33-тен 56-ға дейін өскен. Тіркелген істің 27-сі бюджет қаражатын жымқыру және 29-ы пара алу фактісі.

Б.Балғабековтің айтуынша, өткен жылмен салыстырғанда қылмыстық жауапқа тартылған адамдардың саны да өскен. Мәселен, былтыр олардың саны 31 болса, биыл көрсеткіш 43-ке жетті. Биыл 8 айда шағын және орта бизнес қызметіне заңсыз араласу фактісі де тіркелді. Олардың жалпы саны - 4 дерек. Мемлекеттік бағдарламаларды іске асыру кезінде жіберілген қателік те анықталды. Бұл бағытта 14 қылмыс ашылды. Ал құқық қорғау органдары мен Қорғаныс министрлігі арқылы 26 қылмыс тіркелді.

«Департамент көлеңкелі бизнесті қолдағандарды да анықтады. Бұл бағытта 22 қылмыстық іс тіркелді. Жалпы жыл басынан 36 қылмыстық іс сотқа жолданды. Келтірілген зиян 600,7 млн теңге. Оның 561,1 млн теңгесі бюджетке қайтарылды. Өтемақының үлесі 92% құрады», - деді департамент басшысы Бауыржан Балғабеков.

Баспасөз мәслихаты барысында департамент басшысы Мемлекет басшысы саясатының негізгі бағыттарының біріне тоқталды.

«Сыбайлас жемқорлыққа қарсы реформалар топтамасы нақты заңдарда көрініс тапты және тиімді алдын алу құралдары ретінде өзін дәлелдеді. Бұл ретте басшы жауапқа тартылған мемлекеттік қызметкері үшін де жазаланады. Яғни, отставка институты қарастырылған», - деді Б.Балғабеков.


Біздің каналымызға жазылыңыз:

Бөлісіңіз:

Автор:

Алтынай Сағындықова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT