Қолданушы баптаулары
Қолданушы баптаулары
+7 (701) 759 90 19 Лента
USD 377.62 EUR 426.03
RUB 5.67 CNY 55.78
Jańalyqtar

Ақтөбеде сақ-ғұн түркі әлемінің халықаралық форумы өтеді

2019 жылғы 14 ақпан 03:24 247
Бөлісіңіз:
Ақтөбеде сақ-ғұн түркі әлемінің халықаралық форумы өтеді

АҚТӨБЕ. ҚазАқпарат - Күзде Ақтөбеде «Ұлы дала мұрагерлері» сақ-ғұн түркі әлемінің халықаралық форумы өтеді, деп хабарлайды ҚазАқпарат тілшісі.

Ұқсас жаңалықтар
Көкшетауда «Рухани жаңғыру» сарайы салынады «Рухани жаңғыру»: 2019 жылға арналған іс-шаралар жоспары бекітілді

Ақтөбе облысында «Нұр Отан» партиясының кезектен тыс ХХVІ конференциясы өтті. Жиын кезінде облыс әкімінің орынбасары Марат Тоғжанов Ақтөбеде атқарылып жатқан істерге тоқталды. Биыл өңірде тарихи форум өтеді. Қыркүйек айына «Ұлы дала мұрагерлері» форумы жоспарланған. Елбасы Нұрсұлтан Назарбаевтың «Ұлы даланың жеті қыры» мақаласы аясында, «Рухани жаңғыру» бағдарламасын іске асыру кезінде барлығы 200-ге жуық шара ұйымдастырылады.

«2019 жылдың ең басты жобасы - Ақтөбе қаласында «Ұлы дала мұрагерлері» сақ-ғұн түркі әлемінің халықаралық форумын өткізу. Форум аясында «Ұлы дала шежіресі» ескерткіш-кешенін ашылуы, «Ұлы дала жауһарлары» атты көрме, «Ұлы дала мұрагерлері» театрландырылған қойылымы болады. Түркі халықтарының «Ұлы дала эпосы және музыкалық мәдениеті» халықаралық фольклорлық фестивалі, «Түйін түйіп, темірден тас қашаған» атты тас-темір мүсіндерінің халықаралық симпозиумы, «Ұлы дала шеберлерінің ұлы мұрасы» халықаралық этнофестивалі, «Арал-каспий аймағы - Евразия тарихы мен мәдениет аясында» халықаралық ғылыми конференциясын өткізілуі жоспарланған», - деді облыс әкімінің орынбасары Марат Тоғжанов.

Ақтөбеде сақ-ғұн түркі әлемінің халықаралық форумы өтеді 

Айта кетейік, биыл «Туған жерге тағзым» акциясы аясында 532 жоба іске асырылады. «Ауыл қамқоршысы» әлеуметтік жобасы да назардан тыс қалмайды. Меценаттардың қолдауымен Ақтөбе қаласында Жалаңтөс Баһадүрге, Едіге батырға, Бөкенбай батырға, Есет батырға, Бауыржан Момышұлына арналған ескерткіштер орнатылады. «Даламның дара жырлары» жыршылар антологиясын, «Ақтөбе айтыскерлері» монографиясын шығару және «Ұлы дала ұлағаты» аймақтық фольклорлық ансамбльдер байқауын ұйымдастыру міндеті тұр.

Ақтөбеде сақ-ғұн түркі әлемінің халықаралық форумы өтеді 
Ақтөбеде сақ-ғұн түркі әлемінің халықаралық форумы өтеді 

Біздің каналымызға жазылыңыз:

Бөлісіңіз:

Автор:

Алтынай Сағындықова

Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
MURAǴAT