Қолданушы баптаулары
Қолданушы баптаулары
+7 (701) 759 90 19 Лента
USD 366.43 EUR 420.11
RUB 5.58 CNY 52.87
Жаңалықтар

Ақтөбеде полиция қызметкерінің бетіне түкірген есепші жазаланды

2018 жылғы 12 шілде 11:55 503
Бөлісіңіз:
Ақтөбеде полиция қызметкерінің бетіне түкірген есепші жазаланды

АҚТӨБЕ. ҚазАқпарат - Ақтөбе облысы, Ырғыз ауданының тұрғыны А.Сқақов мас күйінде полиция қызметкерлеріне ұсталып қалған. 29 жастағы есепші өзін ұстаған полицейді балағаттап, кейін бетіне түкіріп жібергені үшін жазаланды, деп хабарлайды ҚазАқпарат тілшісі. 

Ақтөбенің Ырғыз аудандық сотында айыталушы А.Сқақовқа қатысты қылмыстық іс қаралды. Аудандық өнер мектебінің есепшісіне Қылмыстық кодекстің «Билік өкілін қорлау» бабы бойынша айып тағылды. Іс материалына сүйенсек, 2018 жылдың маусым айында айыпталушы көшеде мас күйінде жүріп, полиция қызметкерлеріне ұсталады. Сол кезде полицейлер 29 жастағы есепшінің ішімдік ішкенін анықтау үшін оны аудандық ауруханаға жеткізеді. Тексерістен соң Ішкі істер бөліміне кірер кезде айыпталушы А.Сқақов қызметтік міндетін атқарып тұрған полиция қызметкерлерін балағаттап, бетіне түкіріп жіберген.

Сот отырысында А.Сқақов өзіне тағылған айыпты толық мойындап, билік өкілінің өз қызметтік міндетін атқару кезінде балағаттап, қорлау сөздерін айтқанын растап, іс-әрекетіне шын жүректен өкінетінін, кінәсін толық мойындайтынын, енді қайталамайтынын көрсетіп, соттан жеңіл жаза тағайындауды сұрады. Ал медициналық тексеру қорытындысы кезінде айыпталушының ішімдік ішіп, марихуана шеккендігі анықталды.

«А.Сқақов Қылмыстық кодекстің «Билік өкілін қорлау» бабы бойынша кінәлі деп танылып, жаза ретінде 35 айлық есептік көрсеткіш мөлшерінде, яғни, 84 175  теңге айыппұл салынсын. А.Сқақов сот үкімі заңды күшіне енген күннен бастап бір ай ішінде айыппұлды төлеуге міндетті»,- деді судья  С.Махамбетов.

 

 

Біздің каналымызға жазылыңыз:

Бөлісіңіз:

Автор:

Алтынай Сағындықова

Загрузка...
Сондай-ақ... оқыңыз
Загрузка...
Онлайн қызметкерлер
Редактор
Жарылқасын Саягүл
Жарылқасын Саягүл
954-059
Редактор
Жанат Қапалбаева
Жанат Қапалбаева
954-059
Мұрағат