Ақтөбеде оқушылардың бір бөлігі сабақты қашықтан оқиды
Ақтөбе облыстық санитариялық-эпидемиологиялық бақылау департаменті жаңа қаулыны жариялады.
Енді 600 оқушысы бар мектептер ғана дәстүрлі форматта оқуды жалғастырады. Қаулыға сүйенсек, ауыл мектептеріне мұндай шектеу қойылмайды.
Ал қаладағы мектепте оқушы саны 600-ден асып кетсе, аралас форматқа көшіріледі.
«Мектеп әкімшілігі шешім қабылдап, 1-2 сынып оқушыларын дәстүрлі форматта оқытса, 3-5 сынып оқушылары үшін кезекші сынып ашу қарастырылған. Колледждер мен жоғары оқу орындарының студенттерін аралас форматта оқыту (барлық дәрістер онлайн, практикалық, зертханалық, семинарлық сабақтар икемді кесте бойынша штаттық форматта) керек. Оқу орны әкімшілігінің қалауы бойынша вакцинациялаудың толық курсын аяқтаған студенттер мен оқушыларды штаттық режимде оқытуға жол беріледі. Мектептен тыс ұйымдарда жеке сабақтар кезінде штаттық режим сақталса, топтық сабақтар кезінде тек он баланы қабылдауға рұқсат. Мүмкінділігі шектеулі балаларға, ересектерге арналған түзету кабинеттерінде адам саны 8-ден аспауы тиіс»,- деп жазылғар жаңа қаулыда.