Қолданушы баптаулары
Қолданушы баптаулары
+7 (701) 759 90 19 Лента
USD 384.05 EUR 432.79
RUB 5.96 CNY 55.46
Jańalyqtar

Ақтөбеде өкшелі етігімен Нива көлігін сүйреген әйел жұртты таңқалдырды

2018 жылғы 25 наурыз 22:59 701
Бөлісіңіз:
Ақтөбеде өкшелі етігімен Нива көлігін сүйреген әйел жұртты таңқалдырды

АҚТӨБЕ. ҚазАқпарат - Ақтөбе облысы Ойыл ауданы Ақшатау ауылының тұрғыны Мәдина Нұрмағамбетова Наурыз мерекесі күні Нива көлігін бір өзі сүйреді. Тақалы етігімен ерлік көрсеткен балабақша тәрбиешісінің ісі көпшілікті таңқалдырды, деп хабарлайды ҚазАқпарат тілшісі.

Ақтөбе облысының шалғай ауылында тұратын Мәдина Нұрмағамбетова балабақшада тәрбиеші болып жұмыс істейді. Төрт баланың анасы Наурыз мерекесі күні Нива көлігін сүйреп, көпшілікті таңқалдырды. Әлеуметтік желіге тарап кеткен видеоны көрген адамдардың кейбірі қарсы шықса, кейбірі «алып анадан туады» деп қолдау білдірді.

«Наурыз мерекесі күні бізде мәдени-спорттық шара өтті. Алғашында Нива көлігін ер азаматтар сүйреді. Кейін мектеп директоры Бекжан Қарасаев мерекелік көңіл-күй үшін бақ сынап көруді ұсынды. Көлік сүйреуге келісімімді беріп, 14 секундта 3-5 метр қашықтыққа сүйредім. Бізде бірінші орын, бас жүлде деген жоқ. Әркім өзіне сый алды», - деді балабақша тәрбиешісі Мәдина Нұрмағамбетова.

Ақшатау ауылының тұрғыны от жағып, күл шығарады, мал жайлайды. Қара жұмысты өзі атқара беретін тәрбиеші сол күні аяқ-қолының бұлшық еті ауырғанын жасырмады.

«Көлікті сүйреу қиын. Бірақ бар күшімізді салдық. Менімен бірге көпбалалы әйел де көлікті сүйреді. Кейін қолым мен аяғымның бұлшық еті ауырды, сырқырады. Бәрін ұмытып кеттік», - деді М.Нұрмағамбетова. 

 

Біздің каналымызға жазылыңыз:

Бөлісіңіз:

Автор:

Алтынай Сағындықова

Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT